АЛМАТЫ. 16-тамыз. Kazakhstan Today. Ағымдағы айда республика ұлттық банкі Ұлттық қорды қалыптастыру мақсатында ішкі нарықтан 315,8 млн. доллар көлемінде шетел валютасын сатып алуға бағытталған үш операцияны жүзеге асырды. Бұл туралы Ұлттық банк төрағасы Инуар Сәйденов бүгін еліміздің қаржы нарығындағы ахуалға арналған баспасөз мәслихатында құлағдар етті,- деп хабарлайды Kazakhstan Today тілшісі.
"Қазір қаржы министрлігі бізге конвертациялап, Ұлттық қорға аударатын қаржыны тұрақты аударып отырады. Бізге келген 39 млрд. теңгені елдің ішкі нарығында толық көлемде долларға ауыстырдық. Ол 315,8 млн. доллар болды",- деп атап өткен И.Сәйденов шілде айынан бастап Ұлттық қорды қалыптастыру мен пайдаланудың жаңа тетіктері күшіне енгенін еске салды.
Республика Ұлттық банкі басшысының айтуынша, 2006-жылдың шілде айында ел ішіндегі валюта нарығында түрлі ағымдар байқалды. "Шілденің алғашқы екі онкүндігінде байқалған теңгенің нығаю ағымы үшінші онкүндікте оның арзандауына алмасты. Тамызда бұл ағым одан әрі жалғасты",- деді И.Сәйденов. Оның айтуынша, ұлттық валюта құнының арзандауына Ұлттық қорды пайдалану мен қалыптастырудың жаңа тетіктері енгізілумен бірге, 12-шілдедден бастап күшіне енген ең төменгі резервтік талаптарға қатысты жаңа ережелер де әсер етті.
"Ережелердегі өзгерістер ең төменгі резервтік талаптардың артуына алып келуге байланысты резервтегі активтер өсті. Сонымен бірге резервтік активтердің тізіміне банктердің Ұлттық банктегі корреспонденттік шоттарындағы шетел валютасындағы қалдықтар да енгізілді. Нәтижесінде банктердің аталмыш шоттағы қалдықтары 20-шілдеден бастап біршама артты",- деді И.Сәйденов. Оның айтуына қарағанда, шілде айында жалпы алғанда теңгенің АҚШ долларына шаққандағы биржалық номинал құны өзгерген жоқ. "Маусымның аяғындағы сияқты, шілденің аяғында ол 1 АҚШ долларына шаққанда 118,41 теңгені құрады. Жыл басынан бері теңгенің нығаюы 11,48 процентті құрады. Теңге бағамының АҚШ долларына шаққандағы бағамының ауытқуы 117,25 - 118,49 теңге аралығында байқалды. Жеті айда биржадағы орташа бағам 125,57 теңгені құрады",- дейді Ұлттық банктегілер.
Сонымен бірге, Ұлттық банк баспасөз қызметінің мәліметіне сәйкес, шілде айында Қазақстан қор биржасындағы операциялардың көлемі қосымша сауда-саттықтарды ескергенде маусым айындағымен салыстырғанда 15,5 процентке, немесе, 1728,3 млн. долларға дейін өсті. Биржадан тысқары валюта нарығында шілде айындағы операциялар көлемі шілде айында 7,7 процентке азайып, 5671,8 млн. теңгені құрады.
И.Сәйденовтың айтуынша, 2006-жылдың 1-11 тамыз аралығында ішкі валюта нарығында да теңге бағамының АҚШ долларына шаққанда 3,5 процентке біртіндеп төмендеу ағымы байқалды. 11-тамызда теңгенің биржалық құны 122,58 теңгені құрады. Қазақстан қор биржасындағы биржалық операциялардың жалпы көлемі 1398,5 млн. долларды құрады.
Ағымдағы айда республика ұлттық банкі Ұлттық қорды қалыптастыру мақсатында ішкі нарықтан 315,8 млн. доллар көлемінде шетел валютасын сатып алуға бағытталған үш операцияны жүзеге асырды
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.