Ағымдағы жылдың бірінші тоқсанында 0,8 млн. га жер ауыл шаруашылығы айналымына тартылды
"Бүгінгі күні барлық облыстар әкімдіктерінің деректері бойынша ағымдағы жылдың бірінші тоқсанында 0,8 млн. га жер ауыл шаруашылығы айналымына тартылды", - деді Қ.Өскенбаев.
Астана. 9-сәуір. Kazakhstan Today - Ағымдағы жылдың бірінші тоқсанында 0,8 млн. га жер ауыл шаруашылығы айналымына тартылды, деп хабарлайды Kazakhstan Today агенттігінің тілшісі.
Бұл туралы Өңірлік даму министрінің бірінші орынбасары Қайырбек Өскенбаев ҚР Үкіметі отырысында мәлім етті.
"Бүгінгі күні барлық облыстар әкімдіктерінің деректері бойынша ағымдағы жылдың бірінші тоқсанында 0,8 млн. га жер ауыл шаруашылығы айналымына тартылды", - деді Қ.Өскенбаев.
Бірінші вице-министрдің мәліметінше, сауда-саттық арқылы 63 % шаруа және фермер қожалықтарына, 10 % - заңды тұлғаларға берілді және сатудан тыс 27 % инвестициялық жобалар үшін және жаңа мерзімге жалдау шартын ұзартуға ниет білдірген жер пайдаланушыларға берілген.
Жалпы алғанда, 2013 жылы шамамен 3 млн. га ауыл шаруашылығы алқаптарын айналымға енгізу жоспарланып отыр. Осылайша айналымға егісттікке жарамды жерледің барлығы енгізілетін болады.
Айта кету керек, үш облыста жүргізілген түгендеудің қорытындысы бойынша Шығыс Қазақстан, Алматы және Солтүстік Қазақстан облыстарына жалпы алаңы шамамен 40 мың га суарылатын жерлерді алқаптардың төмен бағалы түрлеріне өзгерту ұсынылған болатын.
"Алайда осы жұмыс тек Шығыс Қазақстан облысында ғана басталды, Алматы және Солтүстік Қазақстан облыстарында жұмыс әлі басталған жоқ", - деп атап өтті Қ.Өскенбаев.
Естеріңізге сала кетейік, түгендеу мақсатына қол жеткізу және жер ресурстарын тиімді басқаруды арттыру үшін Қазақстан Республикасы Өңірлік даму министрлігі облыс әкімдерімен бірлесіп 2013 жылға арналған тиісті іс-шараларды әзірледі және бекітті.
Осындай жұмыстар Шығыс Қазақстан, Батыс Қазақстан, Қарағанды және Қостанай облыстарында белсенді түрде жүргізіліп жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.