"Агробизнес-2020" бағдарламасына 3 трлн. теңге қажет
2018 жылға қарай еліміздегі ауыл шаруашылық техника 100 пайыз жаңартылады. Ауыл шаруашылығы министрлігі 2013-2020 жылдарға арналған агроөнеркәсіп кешенін дамыту бағдарламасын ойдағыдай іске асырғанда, осындай межеге жетуді мақсат етеді, деп хабарлайды Сaspionet.kz.
Астана. 11-қазан. Kazakhstan Today - "Агробизнес-2020" бағдарламасына 3 трлн. теңге қажет, деп хабарлайды Kazakhstan Today агенттігінің тілшісі.
2018 жылға қарай еліміздегі ауыл шаруашылық техника 100 пайыз жаңартылады. Ауыл шаруашылығы министрлігі 2013-2020 жылдарға арналған агроөнеркәсіп кешенін дамыту бағдарламасын ойдағыдай іске асырғанда, осындай межеге жетуді мақсат етеді, деп хабарлайды Сaspionet.kz.
Бүгін министрлік жанындағы іскерлік кеңес екінші мәрте отырыс өткізіп, аталған бағдарламаны бизнес қауымдастығының өкілдерімен талқылады. Сарапшылар жаңа құжатта қарастырылған ауыл шаруашылық нысандарын мемлекеттік қолдау шаралары олардың бәсекеге қабілеттілігін арттыруға сеп болады дегенді бір ауыздан айтты. Бағдарламада ауыл шаруашылық өнімін өндірушілерді қолдаудың 6 түрлі қаржылық әдісі көрсетілген. Олар: қарызға кепілдік беру және сақтандыру, несие мен лизинг бойынша сыйақы мөлшерін субсидиялау, қаржылай сауықтыру, сол сияқты бұрын қолданылмаған жаңа механизм - инвестициялық субсидиялар.
2020 жылға дейінгі бағдарламаны іске асыру үшін 3 трлн теңгеге жуық қаражат қажет. Оның 75 пайызы ауыл шаруашылық нысандары үшін тауарлар мен қызметтердің қолжетімділігін арттыруға бағытталса, 14 пайызы кешенді мемлекеттік қамсыздандыруға жұмсалмақ. Қалған 10 пайызы қаржылық сауықтырудың еншісінде. Бағдарламаны іске асыру нәтижесінде ауыл шаруашылық өнімді өндіру көлемі 1,5 есеге артады деп жоспарлануда. Сол сияқты ауылдағы жұмыс адамының еңбек өнімділігін 3 есеге арттырып, ауыл шаруашылығы өнімі саудасынан түскен экспорттық табысты 20 процентке өсіру көзделуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.