АХҚО мен Дубайдағы көп компонентті орталық өзара түсіністік туралы меморандумға қол қойды
Меморандумныӊ мақсаты АХҚО, Сауда ағыны мүшелерініӊ және Дубайдағы алтын мен тауар биржасы мүшелерініӊ арасындағы тауар биржасы мен саудадан кейінгі қызмет көрсету перспективаларын жеӊілдету үшін Тараптар арасындағы ынтымақтастықтыӊ ресми негізін құру болып табылады.
Астана. 5 шілде. Kazakhstan Today - "Астана" халықаралық қаржы орталығы (бұдан әрі - АХҚО) атынан АХҚО Басқарушысы Қайрат Келімбетов пен Дубайдағы көп компонентті орталықтыӊ (бұдан әрі -ДККО) атынан ДККО-тыӊ Атқарушы Төрағасы Ахмед Бин Сүлейем инновациялық технологиялар саласын дамыту аясында, сондай-ақ АХҚО қатысушысы ретінде тіркеу туралы өзара түсіністік туралы меморандумға қол қойды.
Меморандумға сәйкес, Тараптар тауар саудасы және саудадан кейінгі қызмет көрсету саласындағы ынтымақтастықты жүзеге асырады.
Меморандумныӊ мақсаты АХҚО, Сауда ағыны мүшелерініӊ және Дубайдағы алтын мен тауар биржасы мүшелерініӊ арасындағы тауар биржасы мен саудадан кейінгі қызмет көрсету перспективаларын жеӊілдету үшін Тараптар арасындағы ынтымақтастықтыӊ ресми негізін құру болып табылады.
Тауар саудасы және саудадан кейінгі қызмет көрсетуге арналған инфрақұрылым құру үшін, сондай-ақ ДККО платформасына АХҚО қатысушылары қол жеткізе алуы мен Қазақстан тауарларын қоса алғандасауда-саттық және саудадан кейінгі қызметтер үшін жедел және техникалық талаптарға қатыстыАХҚО және ДККО білім мен тәжірибе алмасуда өзара қолдау көрсетуге келіседі.
Тараптар техникалық білімді, ноу-хау және еӊ үздік нарықтық тәжірибе алмасу екі елдіӊ экономикалық және қаржылық мақсаттарына қол жеткізуге ықпал ететінін атап өтті.
Анықтама ретінде:
АХҚО. 2015 жылғы желтоқсан айында Қазақстан Республикасыныӊ Президенті Нұрсұлтан Назарбаев "Астана" халықаралық қаржы орталығын (АХҚО) құру туралы Конституциялық заӊға қол қойды. АХҚО-ныӊ мақсаты қаржылық қызметтерді көрсететін халықаралық деӊгейдегі жетекші орталық қалыптастыру болып табылады. Посткеӊестік кеӊістікте тұӊғыш рет ағылшын құқығыныӊ қағидаттары енгізіледі, қаржы орталығыныӊ ресми тілі - ағылшын тілі болады.
АХҚО-ныӊ міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасыныӊ бағалы қағаздар нарығын дамыту, оныӊ халықаралық капитал нарықтарымен ықпалдасуын қамтамасыз ету.
AstanaFinanceDays. Астананыӊ 20 жылдығын мерекелеу "Астана" Халықаралық қаржы орталығыныӊ ресми ашылуы және АХҚО Биржасыныӊ іске қосылуымен безендіріліп Астананыӊ дамуына одан әрі серпін беретіп, оны өӊірлік қаржы хабына айналдырады.
АХҚО-ныӊ ресми ашылуы 2018 жылы 3-5 шілдеде AstanaFinanceDays аясында өтеді, оған шетелдік мемлекеттердіӊ басшылары, Нобель және Пулитцер сыйлығыныӊ лауреаттары, сондай-ақ халықаралық қаржы институттарыныӊ басшылары қатысады. 40 елдіӊ 150-ден астам спикерлері экономика, қаржы, экология және ақпараттық технологиялар салаларындағы өздерініӊ тәжірибелері мен кәсіби дағдыларымен бөліседі. AstanaFinanceDays "AIFC DigitalExhibition" сандық бастамаларыныӊ көрмесін, сондай-ақ келесі форумдар мен конференцияларды қамтиды:
o Астана ислам экономикалық форумы;
o Жасылөсу форумы/ GEWR'2018;
o Жаһандық қаржы форумы;
o 2-ші Астана халықаралық капитал нарығы форумы;
o FinTech 2018;
o Еуразиялық экономикалы комиссиясы сессиялары;
o АХҚО құқықтық мәселелері жөніндегі конференциясы.
Дубайдағы көпкомпонентті орталықтыӊ (ДККО) 2002 жылы Дубайдыӊ үкіметі жаһандық тауар айналымыныӊ орталығы ретінде Дубайды құру үшін қажетті физикалық, нарықтық және қаржы инфрақұрылымын қамтамасыз ету жөніндегі мандатпен стратегиялық бастама ретінде құрылды.
2016 жылғы наурыздағы жағдай бойынша онда 11 700-ден астам қатысушы тіркелген, оныӊ ішінде тауарлар мен басқа да кәсіпорындар бар.www.dmcc.ae
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.