Ақмола облысы 2011 жылы 639 млн АҚШ долларының өнімін экспорттаған
Ақмола облысы 2011 жылдың қорытындысы бойынша 639 млн. АҚШ доллары құрайтын өнімін экспорттады. Соның ішінде сыртқа шығарылған өнімдердің 72%-ын өңделген тауарлар, атап айтқанда, мойынтірек, ұн, металл бұйымдары, азық-түлік тауарлары (балық және балық сүбесі), сондай-ақ, химия саласы өнімдері құрады.
Көкшетау. 27-тамыз. Kazakhstan Today - Ақмола облысы 2011 жылы 639 млн АҚШ долларының өнімін экспорттаған, деп хабарлайды Kazakhstan Today агенттігінің тілшісі.
Ақмола облысы 2011 жылдың қорытындысы бойынша 639 млн. АҚШ доллары құрайтын өнімін экспорттады. Соның ішінде сыртқа шығарылған өнімдердің 72%-ын өңделген тауарлар, атап айтқанда, мойынтірек, ұн, металл бұйымдары, азық-түлік тауарлары (балық және балық сүбесі), сондай-ақ, химия саласы өнімдері құрады.
Бұл мәліметтер бүгін облыстық әкімдіктің қолдауымен өткен ҚР ИЖТМ "KAZNEX INVEST" экспорт және инвестициялау ұлттық агенттігінің Ақмола облысының экспортқа бағытталған кәсіпорындарымен кездесуі кезінде жария етілді.
KAZNEX INVEST-тің басқарушы директоры Жәлил Булатов атап өткендей, агенттік тарапынан жасалынып жатқан өткізу нарығын анықтау, шетелдік әлеуетті сатып алушыларды іздеу, экспортты ілгерілету сынды сервистік қолдау құралдары Ақмола облысының барлық экспорттаушыларын қамтып отыр. Алайда, аймақта экспорттаушылардың шығындарын өтеу бағдарламасына кәсіпорындардың қатысу белсенділігі өте төмен екендігі байқалуда. Мәселен, экспорттау кезінде кеткен өз шығындарын KAZNEX INVEST арқылы тек 5 компания ғана өтеген. Жалпы алғанда, бұл аймақта 20 кәсіпорын өз өнімін шетелге шығарады.
Экспорттаушылардың шығындарын өтеу бағдарламасы 2010 жылы енгізілді және ол өңделген өнімді сыртқы нарыққа шығаруға байланысты кеткен кәсіпорын шығынының 50% өтеуді көздейді. Экспорттаушылардың шығындары қайтарымсыз негізде өтеледі. Осы бағдарлама шеңберінде жалпы саны 124 отандық компания қаржылық қолдауды пайдаланды.
Сервистік қолдауға келер болсақ, агенттіктің қолғабыс етуімен қазақстандық өндірушілер жалпы сомасы 720 млн. АҚШ долларына экспорттық келісімшарттар жасағанын айта кеткен орынды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.