Ақмола облысыныӊ әкiмi цемент зауытыныӊ қызметiмен танысты
Ақмола облысыныӊ әкiмi Мәлiк Мырзалин Еӊбекшiлдер ауданына барған жұмыс сапары барысында Қазақстандағы "құрғақ тәсiлмен" өндiру технологиясы бойынша жұмыс iстейтiн жалғыз кәсiпорын, өӊiрдiӊ құрылыс саласындағы еӊ iрi жобаларыныӊ бiрi -цемент зауытыныӊ қызметiмен танысты. Зауыт қуаттылығы жылына 2 млн тонна цементтi құрайды.
Көкшетау. 13 мамыр. Kazakhstan Today - Бүгiн Ақмола облысыныӊ әкiмi Мәлiк Мырзалин Еӊбекшiлдер ауданына барған жұмыс сапары барысында Қазақстандағы "құрғақ тәсiлмен" өндiру технологиясы бойынша жұмыс iстейтiн жалғыз кәсiпорын, өӊiрдiӊ құрылыс саласындағы еӊ iрi жобаларыныӊ бiрi -цемент зауытыныӊ қызметiмен танысты. Зауыт қуаттылығы жылына 2 млн тонна цементтi құрайды. Кәсiпорын жоғары сапалы цементтiӊ 20-дан астам маркасын шығару мүмкiндiгiне ие. Зауыт заманауи темiр жол станциясымен жабдықталғандықтан өнiмдi республиканыӊ кез-келген өӊiрiне тiкелей жеткiзiп бере алады. Өнеркәсiп нысанында облыс әкiмi цемент шығару технологиясын көрдi.
Зауыт директоры Мұрат Молтұсыновтыӊ айтуынша, бүгiнде бұл жерде құрылыс жұмыстары толық аяқталған, өндiрiс орны ағымдағы жылдыӊ 2-жартыжылдығында iске қосылады. Дәл қазiргi күнi республиканыӊ өзге өӊiрлерiмен, сондай-ақ Ресей Федерациясымен өнiмдi сату бойынша келiссөздер жүргiзiлуде.
Цемент өндiрiсiнiӊ технологиясымен танысқан облыс әкiмi Елбасымыздыӊ алға қойған басым мiндеттерiнiӊ бiрi жаӊа технологияларды ендiру мен инновациялық жобаларды iске қосу екендiгiн айтты.
"Бұл жоба бiздiӊ өӊiрдiӊ экономикасына жағымды әсер берiп қана қоймай, 600-ден астам адамды тұрақты жұмыспен қамтып отырған өӊiрдiӊ iрi инвестициялық жобаларыныӊ бiрi", - дедi әкiм.
Мәлiк Кеӊесбайұлы осы күнi аудандағы ауыл шаруашылығы саласындағы тағы бiр iрi жоба "Каз-ГерКус" ЖШС-ныӊ құс фабрикасында болды. Мұнда құс фабрикасы екiншi кезеӊiнiӊ құрылысы аяқталып, құс өнiмiн өндiру екi есеге артқан, зауыт толық қуаттылығына енген. Бүгiнде құс фабрикасы жылына 300 млн дана тауық жұмыртқасын өндiредi. Кәсiпорын өзiнiӊ өнiмiн елiмiздiӊ барлық өӊiрлерiнде және көршiлес Қырғызстан, Ресей, Тәжiкстанға экспорттайды.
Серiктестiк басшысы Борис Оздоевтыӊ айтуынша болашақта, яғни 2017-2018 жылдары "ҚазГерҚұс" Невское ауылында сыйымдылығы 18 мыӊ тонна болатын астық сақтау қоймасын салуды жоспарлауда.
Мәлiк Мырзалин, құс фабрикасыныӊ қызметiмен танысқан соӊ Астана қаласыныӊ аумағында азық-түлiк белдеуiн қалыптастыруды дамыту бағдарламасы Мемлекет басшысыныӊ жiтi бақылауында екендiгiн, және осы құс фабрикасыныӊ өз өнiмiн арттыруы астанамызды отандық өнiммен қамтамасыз етуде өз үлесiн қосатындығын атап өттi.
Сондай-ақ, осы күнi облыс әкiмi Андықожа батыр ауылындағы орта мектепке барып, Степняк қаласындағы оқу-өндiрiстiк комбинатында, Бiржан-сал атындағы аудандық Мәдениет үйiнде және Астана қаласыныӊ аумағында азық-түлiк белдеуiн қалыптастыруды дамыту бағдарламасы аясында жүзеге асырылып жатқан "Сапфир beef" ЖШС жем-шөп алаӊқайында болды.
Жұмыс сапарыныӊ соӊында Мәлiк Мырзалин аудан активiне қатысып, ағымдағы жылдыӊ бiрiншi тоқсаны бойынша Еӊбекшiлдер ауданыныӊ әлеуметтiк-экономикалық даму қорытындысын тыӊдады. Мұнда облыс әкiмi жергiлiктi атқару органына нақты тапсырмалар бердi, атап айтқанда ауыл шаруашылығы кооперациясын, өӊдеу саласын дамыту,егiн егу науқанын ұйымшылдықпен өткiзу және ТКШ және әлеуметтiк сала нысандарыныӊ жұмыс сапалылығын бақылауда ұстауды тапсырды. Исiресе негiзсiз баға өсiмiне жол бермеудi назарда ұстау қажет дедi.
Актив жұмысыныӊ соӊында қатысушылар Н.И.Назарбаевтыӊ "Болашаққа бағдар: рухани жаӊғыру" бағдарламалық мақаласын талқылады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жеке пайдалануға арналған тауарларды бажсыз әкелу шегі бұрынғы деңгейде белгіленді
Сурет: Depositphotos
Жеке пайдалануға арналған тауарларды бажсыз әкелудің ұлғайтылған шегі бойынша ЕЭК Кеңесінің 2023 жылғы 27 қыркүйектегі № 94 шешімінің қолданылу мерзімі аяқталды, деп хабарлайды Мемлекеттік кірістер комитетінің баспасөз қызметінен.
Еске салса кетейік, Еуразиялық экономикалық комиссия кеңесінің 2023 жылғы 27 қыркүйектегі № 94 шешімі Еуразиялық экономикалық комиссия кеңесінің 2017 жылғы 20 желтоқсандағы № 107 "Жеке пайдалануға арналған тауарларға байланысты жекелеген мәселелер туралы" шешімімен көзделген жеке пайдалануға арналған тауарларды бажсыз әкелудің ұлғайтылған шегінің қолданысын ұзартқан болатын.
Осыған орай, 2024 жылғы 1 сәуірден бастап бажсыз әкелу шегі өзінің бұрынғы деңгейіне оралды, яғни:
- алып жүретін немесе алып жүрмейтін багажда әуе немесе жаяу тәртіптен басқа көлік түрлерімен әкелінетін тауарлар үшін - құны 500 еуроға баламалы сомадан аспайды және (немесе) салмағы 25 кг аспайды;
- тасымалдаушы жеткізетін немесе халықаралық пошта жөнелтілімдерінде жөнелтілетін тауарлар үшін-құны 200 еуроға баламалы сомадан аспайды және (немесе) брутто салмағы 31 кг аспайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы айналма темір жолының құрылысы кесте бойынша жүріп жатыр
Сурет: KТЖ
Алматы айналма темір жолының құрылысы кесте бойынша жүріп жатыр, деп хабарлайды "Қазақстан темір жолы" ҰК" АҚ баспасөз қызметінен.
Алматы станциясы теміржол торабын айналып өтетін айналма теміржол желісін салу" жобасын іске асыру Алматы станциясын айналып өтіп, жүк ағынын Жетіген - Қазыбек бек жаңа темір жолына қайта бағыттауға мүмкіндік береді.
Жаңа тармақтың Қазақстанның көлік-транзиттік әлеуетін дамыту үшін маңызы зор, бұл Алматы торабына жүктемені 40% төмендетуге және жүктерді жеткізу уақытын едәуір қысқартуға мүмкіндік береді.
Қазіргі уақытта жұмыстар ұзындығы 20 км болатын учаскелерде жүргізілуде, 100 астам арнайы техника бірлігі мен 300 жуық адам жұмылдырылды. Негізгі жолдың жалпы ұзындығы 75 км, станциялық жолдар - 50 км. Жалпы жоба аяқталғанға дейін 125 км темір жолы салынады.
Сондай-ақ, жобада көлемі 6,5 млн м3 жер жұмыстары жүргізіліп, 18 көпір, Жетіген станциясында бір автожол өткелі, түрлі диаметрлі және конфигурациядағы 49 су өткізу құбыры салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.