Ақмола облысыныӊ Державинск қаласындағы шағын сүт өӊдеу цехы өндiрiс қуатын тәулiгiне 5 мыӊ тоннаға дейiн ұлғайтпақ
Ақмола облысыныӊ Державинск қаласындағы шағын сүт өӊдеу цехы өндiрiс қуатын тәулiгiне 5 мыӊ тоннаға дейiн ұлғайтпақ. Бұл туралы аймақ басшысы Мәлiк Мырзалиннiӊ Жарқайыӊ ауданына жұмыс сапары барысында айтылды.
Көкшетау. 16 тамыз. Kazakhstan Today - Ақмола облысыныӊ Державинск қаласындағы шағын сүт өӊдеу цехы өндiрiс қуатын тәулiгiне 5 мыӊ тоннаға дейiн ұлғайтпақ. Бұл туралы аймақ басшысы Мәлiк Мырзалиннiӊ Жарқайыӊ ауданына жұмыс сапары барысында айтылды.
Аудандағы "Рассвет" шаруа қожалығыныӊ қожайыны Александр Маслов iскер кәсiпкерлердiӊ бiрi. Шаруа қожалығы биыл 2 мыӊ гектарға жуық алқапқа мал азығы үшiн екпе шөп, аздап дәндi дақыл сеуiптi. 200 iрi қара малы бар фермер тек егiн шаруашылығымен ғана айналыспайды. Аудан орталығы Державинск қаласында шаруа қожалығыныӊ сүт өнiмдерiн шығаратын цехы бiрнеше жылдан берi табысты жұмыс iстеп келедi. Ресейлiк құрылғылар орнатылған цехта тәулiгiне бiр тоннадай сүт және сүт өнiмдерi өндiрiледi. Негiзiнен сары май, қаймақ, айран, сүзбе мен iрiмшiк шығарылады. Фермер алдыӊғы жылы мемлекеттiк бағдарлама шеӊберiнде жеӊiлдетiлген несие алып, 200 бас сиырға арналған тауарлы сүт фермасын салды. Өз меншiгiндегi сауын сиырлардыӊ сүтi цехты толық қамтымайтындықтан, тұрғындардан сүт сатып алады. Ал, тауарлы сүт фермасын ашу, соған орай мал басын көбейту сүт өнiмдерi цехын шикiзатпен толық қамтамасыз етуге жағдай жасайтыны анық. Осы орайда, фермер мал тұқымын асылдандыруға да көӊiл бөлмек. Шалғайдағы сүт өӊдеу цехы өндiрiс қуатын тәулiгiне 5 мыӊ тоннаға дейiн ұлғайтпақ - Ақмола облысы "Сүт цехын толық қуатына шығаруды көздеп отырмыз. Сол кезде, тәулiгiне бес тоннаға дейiн өнiм өндiрiлетiн болады. Өнiмдi сатуда еш кедергi жоқ", - дейдi Александр Маслов.
Осы күнi аймақ басшысы жас дәрiгер мамандарды "Дипломмен ауылға" бағдарламасы арқылы ауданға шақыру мәселесi және күзгi егiн орағы науқанына дайындық шараларына да көӊiл бөлдi.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.