Ақмола облысыныӊ үш айдағы әлеуметтік-экономикалық дамуы қорытындыланды
28 сәуірде Ақмола облысыныӊ әкімі Мәлiк Мырзалиннiӊ төрағалығымен әкiмдiк отырысы өттi. Басқосуға аудандар мен қала әкiмдерi, басқарма, департамент, ведомстволар мен ұлттық компаниялардыӊ басшылары қатысты.
Астана. 1 мамыр. Kazakhstan Today - 28 сәуірде Ақмола облысыныӊ әкімі Мәлiк Мырзалиннiӊ төрағалығымен әкiмдiк отырысы өттi. Басқосуға аудандар мен қала әкiмдерi, басқарма, департамент, ведомстволар мен ұлттық компаниялардыӊ басшылары қатысты.
Күн тәртiбiнде ағымдағы жылдыӊ бiрiншi тоқсанындағы өӊiрдiӊ әлеуметтiк-экономикалық дамуы, бюджеттiӊ орындалуы, сондай-ақ 2016-2017 жылдардағы жылу беру маусымыныӊ қорытындысы мен келесi маусымға дайындығы тыӊдалды.
Алғашқы болып облыстық экономика және бюджеттiк жоспарлау басқармасыныӊ басшысы Бауыржан Малғаждаров есеп бердi.
Б. Малғаждаровтыӊ мәлiмдеуiнше, Ақмола облысы бiрiншi тоқсанда негiзгi макроэкономикалық көрсеткiштер нәтижесiнде тұтынушылар құны деӊгейi бойынша үздiк нәтижелерге қол жеткiзген (облыс шегiнде 2 орын), ал өнеркәсiптiк өндiрiс және инвестициялық салым саласында облыс 4-iншi орында.
Ауыл шаруашылығында мал және құс басыныӊ өсiмi мен ет және сүт өндiрiсiнiӊ көлемi артқан.
"Өӊiрдiӊ алдында ауыл шаруашылығы өнiмдерiн қайта өӊдеу бойынша кәсiпорындар санын арттыру мәселесi тұр. Ағымдағы жылдыӊ үш айында сүт өнiмдерiн өндiру, еттi, майлы дақылдарды қайта өӊдеу бойынша кәсiпорындардыӊ жүктемесi артқан.
Облыстыӊ ауыл шаруашылық құрылымдары есептiк кезеӊде астана базарына 7,2 мыӊ тонна сүт өнiмдерiн, 4,2 мыӊ тонна ет өнiмдерiн, 41,4 млн. дана жұмыртқа жеткiзген.
Мемлекет басшысы Жолдауда алдымызға үй шаруашылығы мен шағын фермерлердi кооперативтерге бiрiктiру үшiн толық жағдай жасау туралы мiндет қойды. Осыған байланысты өӊiрде ауыл шаруашылық кооперативтерiн құру бойынша жұмыстар жүргiзiлуде, бүгiнде олардыӊ жалпы саны И 48 (жылдық жоспар 58). Жалпы облыста 77 мыӊнан астам жеке шаруашылықтар бар, оларды ауыл шаруашылығы кооперацияларына тарту ауыл шаруашылық өнiмдерi тауарларыныӊ көлемiн арттыруға мүмкiндiк бередi", И дедi Б. Малғаждаров.
Б. Малғаждаров өз есебiнде құрылыс саласында, шағын және орта бизнестi дамыту және инвестиция тарту жұмыстары туралы да айтты.
Өткен үш айда әлеуметтiк қорғау саласында облыс бойынша 1963 жаӊа жұмыс орындары құрылған, оныӊ 1503-i тұрақты. Балаларды мектепалды тәрбиемен қамту мен мiндеттi әлеуметтiк медициналық сақтандыруды ендiру бойынша түсiнiк жүргiзу жұмыстары жалғасуда.
Өз кезегiнде облыс әкiмi Астана қаласыныӊ әлеуметтiк-экономикалық дамуы және "Астана ЭКСПО-2017" халықаралық мамандандырылған көрмесiнiӊ мәселелерi жөнiнде өткен жиналыста Мемлекет басшысы Астана қаласыныӊ азық-түлiк белдiгi бағдарламасын сынға алды.
"Оныӊ жүзеге асырылуы, негiзiнен астанаға жақын орналасқан өӊiрдiӊ ауыл шаруашылығын өндiрушiлерiнiӊ мойнында. Бүгiнде мемлекет ауыл шаруашылығы кооперативтерiн ашу үшiн барлық қажеттi жағдай жасауда, сондықтан осы сәттi оӊтайлы пайдаланып, осы бағыттағы жұмыстарды белсендiру керек. Жылдық жоспар бойынша 58 кооператив құру керек, бiрақ бұл бiз үшiн аз, бұл санды барынша көбейту керек", И дедi әкiм.
Одан басқа Мәлiк Мырзалин жауапты салаларға инвестиция тарту, МЖИ аясындағы жобаларды көптеп жүзеге асыру, тұрғындардыӊ өнiмдi еӊбегiн дамыту және айлық жалақыны көбейту бойынша жұмыстарды белсендiрудi тапсырды.
Жиналыс барысында бюджеттiӊ шығыс бөлiгiнiӊ орындалу барысы туралы облыстық қаржы басқармасыныӊ басшысы Талғат Бөлтенов баяндады.
Т. Бөлтеновтiӊ айтуынша Ақмола облысы бюджеттiӊ шығыс бөлiгiн орындау қорытындысы бойынша республикада 5-орында.
"Бiрiншi тоқсан қорытындысы бойынша жалпы Ақмола облысыныӊ бюджетiне шамамен 37 млрд теӊге қаражат түскен, немесе жоспардан 106,6%. Шығыс бөлiгi 99,3% орындалған, бұл орташа республикалық көрсеткiштен жоғары",- дедi Т. Бөлтенов.
Қаржы басқармасы басшысыныӊ баяндамасын тыӊдаған Мәлiк Мырзалин облыстық бюджеттiк бағдарлама әкiмшiлерiне, аудан және қала әкiмдерiне ағымдағы жылдыӊ бiрiншi жартыжылдығы қорытындысына дейiн бюджеттiк түсiмдi 100% қамтамасыз етудi, бюджет қаражатын, әсiресе республикалық бюджеттен бөлiнген мақсатты трансферттердi барынша игерудi, мемлекеттiк сатып алулар бойынша конкурстық рәсiмдердi уақытылы аяқтауды тапсырды.
Жиналыс соӊында 2016-2017 жылдардағы жылу беру маусымыныӊ қорытындысы мен келесi маусымға дайындығы тыӊдалды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.