Ақмола және Алматы облыстарында Ауыл шаруашылығын қаржылай қолдау қоры филиалдарының қосымша бөлімшелері ашылады
"ҚазАгро" Ұлттық басқарушы холдингі" АҚ еншілес компаниясы - Ауыл шаруашылығын қаржылай қолдау қоры - ауыл кәсіпкерлерінің ыңғайлылығы үшін Астана және Талдықорған қалаларында бөлімшелерді ашады.
Алматы. 3 ақпан. Kazakhstan today. "ҚазАгро" Ұлттық басқарушы холдингі" АҚ еншілес компаниясы - Ауыл шаруашылығын қаржылай қолдау қоры - ауыл кәсіпкерлерінің ыңғайлылығы үшін Астана және Талдықорған қалаларында бөлімшелерді ашады. Бұрын осы қалалар маңындағы тұрғындар несиені рәсімдеу үшін Көкшетау мен Алматыға баратын болса, енді жаңадан ашылатын бөлімшелер оларға жақын орналасады.
Астана қаласының маңайындаға Ақкөл, Аршалы, Астрахан, Егіндікөл, Ерейментау, Қорғалжын, Целиноград, Шортанды аудандарында тұратын әлеуетті клиенттер енді кеңес алу және құжаттарды рәсімдеу үшін Астана қаласына келетін болады. Ал Талдықорғанға жақын Ақсу, Алакөл, Ескелді, Қаратал, Кербұлақ, Көксу, Сарқанд аудандары мен Талдықорған, Текелі қалаларының тұрғындарына Талдықорғанда орналасқан бөлемшесі қызмет көрсетеді.
Ақмола және Алматы филиалдары - қордың алдыңғы қатардағы аймақтық құрылымдар. Осы екі облыста тұратын 3,3 мың адам - қордың белсенді қарыз алушылары. Ақмоланың оңтүстігінде және Алматының батысында қордың 1,2 мыңнан астам қазіргі қарыз алушысы тұрады.
Бөлімше штатында несие, құқықтық жұмыс жөніндегі, несиелік әкімшілік менеджерлері мен бөлім бастығы жұмыс істейді. Мұнда әлеуетті қарыз алушылардан өтінімдер қабылданып, қызметкерлер бизнес орнына шығады, экономикалық және заң тұжырымын шығарады, несиелеу туралы мәселесін несие комитетіне шығарып, несиелік досьені құрастырады, несиенің мақсатты пайдалануына, кепілдеменің жағдайына, қаржылық жағдайға мониторинг жасайды.
Бұл шара ауыл кәсіпкерлеріне пайдасын тигізіп, осы аймақтарда белсенді қарыз алушылардың санын арттыруға мүмкіндік береді деп күтілуде.
Бөлімшелердің орналасуы туралы ақпаратты 8 /7172/ 678 254 телефоны және [email protected] электрондық пошта арқылы ала аласыз. Кейін бөлімшелердің байланыс деректері www.fad.kz қордың ресми сайтында жарияланады.
Анықтама үшін: "Ауыл шаруашылығын қаржылай қолдау қоры" акционерлік қоғамы - "ҚазАгро" Ұлттық басқарушы холдингі" АҚ құрамына кіретін мамандандырылған қаржы-несиелік ұйымы болып табылады. Қазақстан Республикасы Қаржы нарығын және қаржы ұйымдарын реттеу мен қадағалау агенттігінің банктік қарыз операцияларын жүзеге асыруға лицензиясы бар. Қордың негізгі міндеті - қаржылық қызметтер мен ресурстарға ауыл тұрғындарының қол жетімділігін арттыру.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.