АҚШ "ҚазТрансГаз" АҚ кен орындарын өңдеуге техникалық-экономикалық негіздеме дайындауға грант бөледі
BNews.kz ақпараттық агенттігінің хабарлауынша, "ҚазТрансГаз" АҚ компаниялар тобын инновациялық дамыту шеңберінде АҚШ-тың Сауда және дамыту жөніндегі агенттігімен бірлесіп, Амангелді тобының азот-гелий, азот-метан кен орындарын өңдеуге техникалық-экономикалық негіздеме дайындауға грант беру туралы келісімге қол қойылды.
Астана. 23-тамыз. Kazakhstan Today - АҚШ "ҚазТрансГаз" АҚ кен орындарын өңдеуге техникалық-экономикалық негіздеме дайындауға грант бөледі, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, "ҚазТрансГаз" АҚ компаниялар тобын инновациялық дамыту шеңберінде АҚШ-тың Сауда және дамыту жөніндегі агенттігімен бірлесіп, Амангелді тобының азот-гелий, азот-метан кен орындарын өңдеуге техникалық-экономикалық негіздеме дайындауға грант беру туралы келісімге қол қойылды.
"Бүгін "ҚазТрансГаз" АҚ мен АҚШ-тың Сауда және дамыту жөніндегі агенттігі (USTDA) арасында Қазақстанда газды кешенді өндіру мен өңдеу жөніндегі техникалық-экономикалық негіздеме әзірлеуді қаржыландыруға грант беру туралы келісімге қол қойылды" деп жазылған баспасөз хабарламасында.
Таратылған ақпаратқа қарағанда, грант Жамбыл облысы Амангелді тобының кен орнында гелийді, метан мен азотты барлау, бөлу, өндіру және өңдеу бойынша Қазақстан үшін инновациялық жобаның экономикалық, техникалық және қаржылық мүмкіндіктерін "ҚазТрансГаз" АҚ-ның анықтауына мүмкіндік береді.
Өнеркәсіптік ауқымда гелий алу - Қазақстан үшін жаңа инновациялық жоба. АҚШ гелий өндіру және тұтыну бойынша әлемде көшбасшы болып табылады. Гелий ғарыш саласында, электроникада және басқа да көптеген салаларда қолданылады. ТЭН өнеркәсіптік ауқымда гелий алу үшін америкалық алдыңғы қатарлы технологияларды қолдануға қаншалықты болатынын, әлемдік нарықтарға жеткізудің оңтайлы логистикасын көрсетеді.
Зерттеу нәтижесі Амангелді тобының кен орындарында бар газдарды бөлу жөніндегі жобаның орындылығын, сондай-ақ азотты тыңайтқыштарды алудың әртүрлі тәсілдерінің тиімділігін көрсетті.
Келісімге "ҚазТрансГаз" АҚ-дан Бас директордың ресурстық база жөніндегі орынбасары Анатолы Тегісбаев, АҚШ-тың Сауда және дамыту жөніндегі агенттігінен АҚШ-тың Қазақстан Республикасындағы Елшісінің орынбасары Элизабет Миллард қол қойған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.