АҚШ жүз долларлық қағаз ақшаның жаңа дизайнын таныстырды
АҚШ жүз долларлық қағаз ақшаның жаңа дизайнын таныстырды
Алматы. 22 сәуір. Kazakhstan Today - АҚШ басшылығы сәрсенбі күні Бенджамин Франклиннің бейнесі басылған жүз долларлық қағаз ақшаның жаңа дизайнын таныстырды, деп хабарлайды Kazakhstan Today "РосБизнесКонсалтинг" (РБК) агенттігіне сілтеме жасап.
РБК ақпаратына сәйкес, АҚШ-тың Федералдық резерв жүйесі, Қаржы министрлігі мен елдің Құпия қызметі таратқан бірлескен баспасөз баянында айтылғандай, жаңа ақша айналымға 2011 жылдың 10 ақпанында шығарылады.
"Идетте қағаз ақшалар әрбір 7 жыл сайын алмастырылып отырады, бірақ осы жолғысына 14 жыл болды. Жаңартудың басты мақсаты - жалған ақша жасаушылардың өмірін қиындату", - деп хабарлайды Вести.Ru.
"Жаңа үлгідегі банкнотта тағы да Бенджамин Франклиннің суреті болады, бірақ бұл жолы оның айрымашылығы бар. Айталық, жаңа қағаз ақшада 3D-эффектісі бар көк түсті қорғаныс таспасы болмақ, ондағы нысандар әрбір бұрышынан қарағанда жан-жаққа қарай қозғалады. Сондай-ақ, тағы бір жаңалық - қоңыр түсті сия сауытындағы қоңырау бейнесі, бұл қоңырау (Liberty Bell) белгілі бір бұрыш сала қараған кезде жоғалып кетеді", - деп хабарлайды РБК.
"АҚШ валютасының әрбір дизайн өзгерісі кезіндегідей, бұл купюра да өзіне ақшаны қолдан жасаудан қорғауға барынша мүмкіндік беретін барлық озық технологияларды толық қамтыған", - деді АҚШ қаржы министрі Тимоти Гейтнер.
РБК ақпаратына сәйкес, бүгінгі күні дүниежүзінде ескі үлгідегі 100 долларлық ақшаның 6,5 млрд данасы шығарылған. Жаңа дизайн үлгісіндегі қағаз ақшалар бұрынғыдай ескі үлгімен бірге айналымда жүре береді, ескі үлгідегі ақша иелері төлем жасауда қандайбір кедергіге тап болмайды, дейді АҚШ-тың Федералдық резерв жүйесінің басшысы Бен Бернанке. Ол технологиялар дами түскен сайын және олардың қолжетімділігі арта түскен сайын, АҚШ валютасының елден тысқары жерлердегі айналымы өсе түскен сайын әлемде АҚШ-тың қағаз ақшаларын қолдан жасаумен күресу жылдан жылға қиынға соғып отырғанын айтып шағымданды. Мәселен, АҚШ аумағынан тысқары жерлерде барлық 100 долларлық ақшаның үштен екі бөлігі айналуда.
100 долларлық ақша әлемдегі ең көп таралған әрі тұрмыстық айналымдағы ең ірі АҚШ валютасының купюрасы болып табылады. 5,10, 20 және 50 долларлық купюра секілді оның дизайны да әредік ауысып отырады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.