Ақтөбе облысында керамикалық тақтайшалар шығаратын зауыт қайта қалпына келтірілді
Хабар агенттігінің хабарлауынша, Ақтөбеде "Бизнестің жол картасы" мемлекеттік бағдарламасы аясында шағын және орта бизнес саласында біраз жаңа кәсіпорындар іске қосылды. Бұл бағдарламаға аудан кәсіпкерлері белсенді қатысуда.
Ақтөбе. 15-қазан. Kazakhstan Today - Ақтөбе облысында керамикалық тақтайшалар шығаратын зауыт қайта қалпына келтірілді, деп хабарлайды Kazakhstan Today агенттігінің тілшісі.
Хабар агенттігінің хабарлауынша, Ақтөбеде "Бизнестің жол картасы" мемлекеттік бағдарламасы аясында шағын және орта бизнес саласында біраз жаңа кәсіпорындар іске қосылды. Бұл бағдарламаға аудан кәсіпкерлері белсенді қатысуда.
Исіресе, кезінде тұралап қалған кәсіпорындар үшін бағдарлама тың мүмкіндік берді. Хромтау ауданындағы керамика зауыты даму кәсіпкерлікті қолдау қоры арқылы жеңілдетілген несие алып, қайта жаңғыртылып, толық қуатында өнім шығара бастаған. Хромтаудағы керамика зауыты 1993 жылы ашылған. Бірақ, кейін 2009 жылы дағдарысқа ұшырап, тоқтап қалды. Елбасының тапсырмасымен қолға алынған жаңа бағдарлама бұл зауыттың қайтадан ашылуына септігін тигізді. Зауыт 220 млн. тенге несие алды. Жылдық үстемақысы 10 пайыз. Оның 7 пайызына "Даму" кепілдеме беріп отыр. Жаңа қондырғылар алып, жұмыс орындарының саны көбейтті. Бұл жерде жалақымыз да тұрақты, - дейді еңбеккерлер.
Зауыт италияндық замануи технологиямен жабдықталған. Өндіріс шығынсыз, әрі экологиялық таза. Халықаралық сапа стандарттарына сай өнім шығарады. Несиеге алынған қаржыға негізгі технологиялық желілер толық жаңадан орнатылды. Қазір 100-ден астам плита түрін сұранысқа сай шығаруда.
Қазір 160 жұмысшы екі ауысымда еңбек етеді. Орташа жалақылары 50-60 мың тенге аралығында. Негізгі шикізаты жергілікті жерден. Кәрлен плиткалардың сапасы жоғары болғандықтан, келешекте Кеден одағы аясында басқа елдер нарығына да шығарып, өндірісті кеңейту жоспарлануда. Ақтөбеде "Дамуға" өңірлік үйлестіру кеңесі 161 жобаны мақұлдаған. Олар құрылыс индустриясы, ауыл шаруашылығы және тағам өнімдерін шығаруға бағытталған.
Ақтөбенің Хромтау, Мартөк, Қарғалы аудандарының кәсіпкерлері осы бағдарламамен біраз жаңа нысан ашып отыр. "Даму" қорының көмегін аудан кәсіпкерлері тиімді пайдалана бастаған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жеке пайдалануға арналған тауарларды бажсыз әкелу шегі бұрынғы деңгейде белгіленді
Сурет: Depositphotos
Жеке пайдалануға арналған тауарларды бажсыз әкелудің ұлғайтылған шегі бойынша ЕЭК Кеңесінің 2023 жылғы 27 қыркүйектегі № 94 шешімінің қолданылу мерзімі аяқталды, деп хабарлайды Мемлекеттік кірістер комитетінің баспасөз қызметінен.
Еске салса кетейік, Еуразиялық экономикалық комиссия кеңесінің 2023 жылғы 27 қыркүйектегі № 94 шешімі Еуразиялық экономикалық комиссия кеңесінің 2017 жылғы 20 желтоқсандағы № 107 "Жеке пайдалануға арналған тауарларға байланысты жекелеген мәселелер туралы" шешімімен көзделген жеке пайдалануға арналған тауарларды бажсыз әкелудің ұлғайтылған шегінің қолданысын ұзартқан болатын.
Осыған орай, 2024 жылғы 1 сәуірден бастап бажсыз әкелу шегі өзінің бұрынғы деңгейіне оралды, яғни:
- алып жүретін немесе алып жүрмейтін багажда әуе немесе жаяу тәртіптен басқа көлік түрлерімен әкелінетін тауарлар үшін - құны 500 еуроға баламалы сомадан аспайды және (немесе) салмағы 25 кг аспайды;
- тасымалдаушы жеткізетін немесе халықаралық пошта жөнелтілімдерінде жөнелтілетін тауарлар үшін-құны 200 еуроға баламалы сомадан аспайды және (немесе) брутто салмағы 31 кг аспайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы айналма темір жолының құрылысы кесте бойынша жүріп жатыр
Сурет: KТЖ
Алматы айналма темір жолының құрылысы кесте бойынша жүріп жатыр, деп хабарлайды "Қазақстан темір жолы" ҰК" АҚ баспасөз қызметінен.
Алматы станциясы теміржол торабын айналып өтетін айналма теміржол желісін салу" жобасын іске асыру Алматы станциясын айналып өтіп, жүк ағынын Жетіген - Қазыбек бек жаңа темір жолына қайта бағыттауға мүмкіндік береді.
Жаңа тармақтың Қазақстанның көлік-транзиттік әлеуетін дамыту үшін маңызы зор, бұл Алматы торабына жүктемені 40% төмендетуге және жүктерді жеткізу уақытын едәуір қысқартуға мүмкіндік береді.
Қазіргі уақытта жұмыстар ұзындығы 20 км болатын учаскелерде жүргізілуде, 100 астам арнайы техника бірлігі мен 300 жуық адам жұмылдырылды. Негізгі жолдың жалпы ұзындығы 75 км, станциялық жолдар - 50 км. Жалпы жоба аяқталғанға дейін 125 км темір жолы салынады.
Сондай-ақ, жобада көлемі 6,5 млн м3 жер жұмыстары жүргізіліп, 18 көпір, Жетіген станциясында бір автожол өткелі, түрлі диаметрлі және конфигурациядағы 49 су өткізу құбыры салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.