Ақтөбе облысында рельс дәнекерлеу кәсіпорны салынады
Облыс әкімі Бердібек Сапарбаев жаӊа рельс дәнекерлеу кәсіпорны құрылысыныӊ іргетасын қалау рәсіміне қатысты. Аталған жобаныӊ құны 3 млрд теӊге.
Ақтөбе.29 тамыз. Kazakhstan Today - Ақтөбе облысында рельс дәнекерлеу кәсіпорны салынады. Облыс әкімі Бердібек Сапарбаев жаӊа рельс дәнекерлеу кәсіпорны құрылысыныӊ іргетасын қалау рәсіміне қатысты. Аталған жобаныӊ құны 3 млрд теӊге.
Ақтөбе облысы әкімініӊ баспасөз қызметініӊ хабарлауынша, Ақтөбе рельс зауытыныӊ жұмысы "Теміржол жөндеу" ЖШС үшін Қызғалдақты станциясында рельс дәнекерлеу кәсіпорны құрылысын бастауға ынталандырды.
Аталған инвестициялық-стратегиялық жоба Ақтөбе облысы әкімдігініӊ қолдауымен ынтымақтастық жөніндегі меморандум аясында жүзеге асырылуда.
"Теміржол жөндеу" ЖШС бас директоры Искандир Қарсыбеков облыс әкіміне дайындық жұмыстары туралы хабарлады. Жобаныӊ техникалық-экономикалық негіздемелері әзірленді, жобалау-сметалық құжаттамаларын дайындау жөнінде келісімшартқа қол қойылды, инженерлік-геодезиялық, инженерлік-геологиялық жұмыстар жүргізілді. Бұл жобаныӊ ерекшелігі рельс дәнекерлеу кәсіпорныныӊ рельсарқалық зауытыныӊ қасына салынуы. Өз кезегінде аралық логистикалық сатылар қысқарады, шығын мөлшері аз, заманауи және оптимальды шешімдер өндіріс тиімділігін арттыра түсіреді.
Жоба екі жылдыӊ ішінде жүзеге асырылады. Жаӊа инновациялық кәсіпорынға жабдықтарды Aigre Technology Co. in Chengdu компаниясы жеткізеді, өндірістік қуаттылық жылына 500 шақырымнан кем болмауы тиіс.
Аймақ басшысы жиналғандарды өӊір үшін маӊызды шарамен құттықтады.
"Бүгін "Теміржол жөндеу" ЖШС рельс дәнекерлеу кәсіпорны құрылысыныӊ іргетасы қаланды. Бұл жоба Ақтөбе рельсарқалық зауыты өндіретін ұзындығы 120 метрлік рельстерді дәнекерлеуге мүмкіндік береді және "ҚТЖ" ҰК" АҚ жол шаруашылығыныӊ қажеттілігі толығымен өтейді. Өз тарапымыздан біз аталған жобаны жан-жақты қолдаймыз", - деген өӊір басшысы облыс әкімдігі, "Қамқор Менеджмент" және "Теміржол жөндеу" логотиптері бар капсуланы құрылыс орын тебетін алаӊға салды.
Кәсіпорында 50 жұмыс орны ашылады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.