Ақтөбе облысында үй құрылысы комбинаты пайдалануға берілді
Зауыттыӊ қуаты жылына 50 мыӊ шаршы метр тұрғын үйді құрайды, бұл жыл сайын 10 тоғыз қабатты екі кіреберісті үй салуға мүмкіндік береді.
Ақтөбе.31 тамыз. Kazakhstan Today - Аталмыш нысанды салған "Үй құрылыс комбинаты" ЖШС компаниясы Ақтөбе қаласыныӊ тұрғындарын қол жетімді баспанамен қамтамасыз ету бойынша мемлекеттік бағдарламаны жүзеге асыруда белсенді ат салысып келеді, деп хабарлады Ақтөбе облысы әкімініӊ баспасөз қызметі.
ЖШС директоры Дәулет Илиев жаӊа үй құрылысы комбинаты тұрғын үйді 100% қазақстандық мазмұнда салуға мүмкіндік беретінін айтты.
"Осы жылы біз еліміздіӊ айтулы оқиғасы - Қазақстанныӊ 25 жылдығын тойлаймыз. Осы жылдар аралығында еліміз 50 дамыған елдердіӊ қатарына еніп, ТМД елдерініӊ алды болды. Бүгін ашқалы тұрған үй құрылысы комбинаты ҚР үдемелі индустриалды даму бағдарламасы аясында салынған болатын",-деп атап өтті облыс әкімі Бердібек Сапарбаев.
Айта кету керек, жоба МЖС аясында "Ақтөбе" ИКК-мен бірлесе отырып жүзеге асырылып, оған мемлекет тарапынан жан-жақты қолдау көрсетілді: 1,4 млрд теӊге несие сомасыныӊ пайыздық мөлшері субсдияланып, 130 млн. астам теӊге қаржыға инфроқұрылым тартылды.
Зауыттыӊ қуаты жылына 50 мыӊ шаршы метр тұрғын үйді құрайды, бұл жыл сайын 10 тоғыз қабатты екі кіреберісті үй салуға мүмкіндік береді.
Жалпы, ҮҚК-н іске қосу өӊірде тұрғын үйге қол жеткізуді қамтамасыз етеді, ал шығарылатын өнім сапаныӊ әлемдік стандарттарына жауап беретін болады. Өндірісте Weckenmann компаниясыныӊ құрал-жабдықтарын пайдаланылады.
Үй құрылысы комбинаты "Өӊірлерді 2020 дамыту" бағдарламасын жүзеге асыру аясында қолданылатын сыртқы және ішкі қабырға панельдерін, еден плиталар, баспалдақтар және басқа да өнімдерді шығаруды жоспарлап отыр, алдағы уақытта сыртқы нарыққа шығуы ықтимал.
Шығарылатын өнімді пайдаланудағы негізгі артықшылықтыӊ бірі - құрылыс нысандарыныӊ салу мерзімдерін 1,5-2 жылдан 1 жылға дейін, құрылыстыӊ өзіндік құнын 30 пайызға дейін төмендетіп, сапасын арттырады.
Жаӊа кәсіпорында 100-ден астам жаӊа жұмыс орындары ашылды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.