АҚТӨБЕ. 7-тамыз. Kazakhstan Today. Ақтөбе полициясы аймақтағы мұнай терминалдарын жабу қажет деп санайды. Өйткені, полициядағылардың пайымдауынша, олар шикізатты ресми мұнай өндіруші компаниялардан ғана емес, сонымен бірге, жеке тұлғалардан ұрланған мұнайды арзан бағаға сатып алумен де шұғылданады. Бұл туралы Kazakhstan Today тілшісіне Ақтөбе облыстық ІІД-нің ұйымдасқан қылмыспен күрес басқармасынан хабарлады.
Атап айтсақ, басқарма мәліметіне сәйкес, ағымдағы жылдың өткен мерзімінде облыста мұнай ұрлауға қатысты 30 дерек әшкереленген. Осы оқиғалар бойынша 10 қылмыстық іс қозғалып, 10 материалға қатысты қылмыстық іс қозғаудан бас тарту туралы қаулы қабылданды. Рақымшылық жасауға байланысты бір қылмыстық істі тергеу тоқтатылды. Тағы 9 материал шешілу сатысында.
Басқарманың хабарлауынша, қолданылған шаралардың арқасында мемлекетке жалпы құны 6 млн. теңге болатын 159 тонна ұрланған мұнай кері қайтарылды.
Облыстық ІІД-нің салыстырма ретінде хабарлауынша, былтыр осындай 23 дерек, ал бұрнағы жылы 10 дерек тіркелді.
Полицияның хабарлауынша, көп жағдайда тұтқындар мұнайды арнаулы құрал-жабдықтардың көмегімен тікелей мұнай құбырларынан тонап келгенін және оны мұнай терминалдарына өткеруге ниет еткендерін жеткізген.
Бұл - аймақтағы терминалдарды жабу қажеттігін ақтайтын тағы бір дәлел, дейді полиция. Олардың қызметін көбінесе мұнай тонаумен шұғылданатын жеке тұлғалар пайдаланады. Ал СНПС "Ақтөбемұнайгаз" және "ҚазақОйлАқтөбе" ААҚ сынды ірі мұнай ұйымдары өздері өндірген мұнайды иелігіндегі магистральдық мұнай құбырлары арқылы жабық режимде сатады.
Жалпы алғанда Ақтөбе облысы аумағында төрт терминал жұмыс істейді.
Ақтөбе полициясы аймақтағы мұнай терминалдарын жабу қажет деп санайды
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.