Система Orphus

Алдағы үш жылда ауыл шаруашылығы үкімет болжамынан 2,9% артық қарқынмен өсетін болады - "ҚазАгро" холдингі

21.01.2008 2406

Алматы. 21-қаңтар. "Қазақстан Бүгін" - "ҚазАгро" холдингісінің жобаларын ескергенде 2008-2012 жылдарға арналған ауыл шаруашылығының ішкі өнімінің орташа жылдық өсімі үкіметтің орта мезгілдік жоспарынан 2,9% артық болады. Бұл туралы Ауыл шаруашылық министрлігінің алқа отырысында "ҚазАгро" холдингісінің басшысы Илихан Смаилов мәлім етті, деп хабарлайды "Қазақстан Бүгін" агенттігінің тілшісі.

Үкімет жоспарында аталмыш көрсеткіш 3 пайызды құрап отыр.

"Агро өнеркәсіп кешенін дамытуға бағытталған мемлекеттік 100 млрд теңге инвестицияға ішкі және сыртқы қаржы нарықтарынан қосымша шамамен 168 млрд теңге тартылуы мүмкін", - деді И. Смаилов. "5 жыл ішінде 100 млрд теңге 781 млрд теңге өндіреді", - деп атап көрсетті ол.

"Біз бюджеттен тыс қорлардан келетін қаржыландыруды арттыруды көздеп отырмыз. 2006 жылы 1 теңге бюджеттік инвестицияға 1,2 теңге бюджеттен тыс инвестиция келіп отырса, 2007 жылы бұл көрсеткіш 1,6 теңгеге артты. Ал 2012 жылы бұны 3,4 теңгеге дейін өсірмекшіміз", - деп мәлімдеді "ҚазАгро" басшысы.

Холдингтің есептеуінше, "салынған қаражаттардың қайтарымы 2008 жылы іске асады. 1 теңге инвестицияға ішкі табыс, салық аударымдары және несие сыйақылары түрінде экономикалық айналымға 1 теңгеден астам ақша түседі".

Нәтижесінде, И. Смаиловтың айтуынша, ауылды жерлерде 226 жаңа объектілер мен өнеркәсіптер, 9,1 мың жаңа жұмыс орындары пайда болып, 2008-2012 жылдары мемлекет 38 млрд теңге салық төлемдерін қабылдайды

Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны