Алматы бюджеті 7,1 млрд теңгеге өсетін болады
ҚазАқпарат агенттігінің хабарлауынша, Алматы қаласының нақтыланған бюджеті 2011 жылы 301 млрд. 969 миллион 744 мың теңгені құрайтын болады, ал қаланың қазіргі бюджеті 253 миллиард 329 миллион 835 мың теңгені құрап отыр.
Алматы. 6 - мамыр. Kazakhstan Today - Алматы бюджеті 7,1 млрд теңгеге өсетін болады, деп хабарлайды Kazakhstan Today агенттігінің тілшісі. Бұл туралы бүгін Алматыда өткен қалалық мәслихаттың кезектен тыс сессиясында Алматы қаласының экономика және бюджетті жоспарлау басқармасының бастығы Сардар Қабдолов мәлім етті.
ҚазАқпарат агенттігінің хабарлауынша, Алматы қаласының нақтыланған бюджеті 2011 жылы 301 млрд. 969 миллион 744 мың теңгені құрайтын болады, ал қаланың қазіргі бюджеті 253 миллиард 329 миллион 835 мың теңгені құрап отыр.
"Алдағы уақытта білімге, денсаулық сақтау, мәдениет, халықты әлеуметтік қорғау, энергетика мен коммуналдық шаруашылық, көлік және байланыс, сонымен қатар құрылыс және табиғатты пайдалануды реттеу саласына шығындарды ұлғайту жоспарлануда. Білім саласына қаражаттар балабақшалар мен білім мекемелеріне күрделі жөндеу жұмыстарын жүргізуге, материалдық-техникалық базаны жақсартуға бағытталатын болады. Денсаулық саласына қаражаттар "Саламатты Қазақстан - 2011" бағдарламасын іске асыруға, медициналық құрал-жабдықтарды алуға жұмсалады. Илеуметтік сала бойынша қаржылар - Оңалту және бейімдеу орталықтарына төрт қосымша бөлімшелерді ашуға, ауған және ҰОС ардагерлеріне біржолғы көмек беруге жұмсалмақ. Құрылыс саласына - ипотекалық тұрғын үйлердің құрылысын дамытуға, жер үйлерге газ тартуға, су құбырларын қайта жөндеуге және т.б. жұмыстарға жаратылмақ, ал көлік инфрақұрылымына қаражаттар шығыс айналма жолына жерасты құрылыстарын жүргізуге, жол жөндеуге, метро құрылысына бөлінетін болады",-деді Сардар Қабдолов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.