Алматы инвесторларды ірі көрме орталығы ретінде қызықтырады
ITECA" ЖШС директоры Юрий Бородихин Алматы қаласы әкімдігімен ынтымақтастық жөніндегі меморандумға қол қою барысында Алматы Орта Азияныӊ сапалы әрі ірі көрме хабы екендігін айтты
Астана. 31 наурыз. Kazakhstan Today - "ITECA" ЖШС директоры Юрий Бородихин Алматы қаласы әкімдігімен ынтымақтастық жөніндегі меморандумға қол қою барысында Алматы Орта Азияныӊ сапалы әрі ірі көрме хабы екендігін айтты, деп хабарлайды Kazakhstan Today агенттігініӊ тілшісі.
Көрме ұйымдастырумен айналысатын "ITECA" компаниясы қол қойылған меморандум аясында Алматыда қазақстандық кәсіпорындар мен ірі халықаралық брендтердіӊ қатысуымен 23 арнайы көрмелер мен конференци ялар ұйымдастырады. Өйткені, мұндай шаралар Алматыныӊ халықаралық танымалдығы мен инвестициялық тартымдылығын арттырып, отандық кәсіпорындардыӊ экспорттық потенциалын нығайтады, деп хабарлайды www.almaty.gov.kz тілшісі.
"Жүргізілген статистик аға сәйкес қалада қалыптасқан қолайлы жағдайлардыӊ арқасында Алматы ірі шетелдік компаниялар үшін барынша тартымды болуда. Олар - инвесторларға қызмет көрсету орталықтары және әкімшілік кедергілердіӊ төмен болуы. Сондықтан инвесторлар біз ұйымдастырған көрмелерге жиі келіп, Алматыныӊ мүмкіндіктеріне қызығушылық білдіруде", - деді Ю.Бородихин.
Бұдан өзге, халықаралық көрмелерді ұйымдастыру мегаполистіӊ туристік потенциалын арттырады. Атап өтерлік жайт, Алматы қаласыныӊ әкімдігі мен "Forum Eurasia" компаниясы арасындағы меморандум аясында Медеу ауданында салынатын сауық- сайран паркі туристерді көп тартатын Орта Азиядағы еӊ ірі орталыққа айналады. Сауық- сайран саябағынан өзге сауда және салтанат кешендері салынады. Осы жобалар 2020 жылы жүзеге асқан кезде бұларда 2000 жуық адам жұмыс істейтін болады.
Сонымен қатар, Алматы мен "Tamos Education" компаниясы арасында ынтымақтастық арта түсуде. Компаниямен бірге қол қойылған меморандум аясында Бостандық ауданында білім кешені салынып, оныӊ құрамында 1200 орынды лингвистикалық гимназия, 100 орынды интернат, 1000 орынды физика-математика мектебі, 200 орынды бала бақша және оқушылар мен мұғалімдер үшін жатақхана бой көтереді.
Жасалған меморандумдардыӊ жалпы құны 48 миллиард теӊгеден асады.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.