Алматы қаласында қызанақтар өсіретін жылыжай салынады
Алматы қаласында қызанақтар өсіретін жылыжай кешенініӊ құрылысы басталады. Алаӊы 8 гектарды құрайтын жаӊа нысан Алатау ауданы Индустриялық аймағыныӊ аумағында орналасатын болады.
Алматы. 8 маусым. Kazakhstan Today - Алматы қаласында қызанақтар өсіретін жылыжай кешенініӊ құрылысы басталады.
Алаӊы 8 гектарды құрайтын жаӊа нысан Алатау ауданы Индустриялық аймағыныӊ аумағында орналасатын болады. Көкөністер жылыжай кешенінде "гидропоника" технологиясы бойынша, яғни топырақсыз, жыл бойы өсірілетін болады. Аталған жобаны "Алматы Индустриялық аймағы" (ИА) қатысушыларыныӊ тізіліміне енгізуді Өӊірлік үйлестіру кеӊесі (ӨҮК) мақұлдады. Жылыжай кешені және тағы да 5 жоба өзініӊ өндірістерініӊ құрылысын ИА аумағында бастайды.
ӨҮК мәжілісініӊ барысында жылыжайда өсірілетін қызанақтардыӊ жоғары сапасына голландиялық жабдықтыӊ және көшетке қосымша жарық беру, тұмандату, перделеу жүйесі, себелеп суару секілді бірқатар инновациялық шешімдердіӊ кепілдік беретіні атап өтілді. Сондай-ақ, пайдаланылған суды тазарту жүйесі көзделген, ол су шығыныныӊ екі есеге жуығын үнемдеуге мүмкіндік береді. Жылыжайда жылына 5 000 тоннадан астам қызанақ өсіріледі деп болжануда. Жаӊа кәсіпорынды іске қосу арқылы 105 тұрақты жұмыс орны құрылатын болады. Қолданыстағы көптеген жылыжайларда ескірген технологиялардыӊ қолданылатынын атап өтеміз, яғни олардыӊ шамамен 86%-ы 1970-1990 жылдардағы жылыжайлар. Бұл, өнімніӊ басым бөлігі жабық топырақта сәуір айынан қазан айын қоса алғанға дейінгі кезеӊде өсіріледі деген сөз, осылайша, қыс мезгілінде бұл өнім импортпен қамтамасыз етіледі.
Сондай-ақ, "ҚҚЖЗ - Қазақстан құбыр желісі жабдықтарыныӊ зауыты" ЖШС жер телімін алды, ол өзініӊ қолданыстағы зауытыныӊ өндірістік жүктемесін Түрксіб ауданынан ИА ауыстырады. Кәсіпорынныӊ шығаратын өнімініӊ негізгі түрі жапқыш жабдық болып табылады. Жобаны Индустриялық аймақ аумағында іске асыру шығарылатын өнімніӊ көлемін 2 есеге арттыруға, сондай-ақ қосымша 150 жұмыс орнын құруға мүмкіндік береді.
Сонымен қатар, ӨҮК мәжілісінде "GROUPNAK 8" ЖШС тоӊазытылған қамыр өндірісі бойынша жобасы мақұлданды. Жоба бірінші жасаӊдағы нан-тоқаш өнімдерініӊ өндірісіне бағытталған, олар неміс технологиясы мен отандық шикізатты пайдалана отырып, еуропалық жабдықта дайындалатын болады. Кәсіпорын жылына 720 тонна тоӊазытылған қамыр шығаруды жоспарлап отыр. Өнімніӊ түріне қара және ақ, Ciabata итальян наны, француз багеттері, қытырлақ нан, ішіне тәтті салынған бөлкелер, француз круассандары, кекстер және маффиналар кіреді.
Сондай-ақ, ИА қатысушыларыныӊ тізіліміне енуге "Үлгі Құрылыс" пластикалық терезелер өндірісі бойынша цехініӊ, "Гарант Бетон" ЖШС автоклавты газбетон шығару бойынша зауытыныӊ, сондай-ақ "ҚазМонолит Групп" ЖШС металл ауаарналарыныӊ өндірісі бойынша цехініӊ кіргенін атап өтеміз,- деп хабарлайды Алматы қаласы Кәсіпкерлік және индустриялық-инновациялық даму басқармасы.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.