Алматы қаласының 2011 жылғы бюджеті 97,7 млрд теңгеге өсті
Бүгін Алматы қаласы мәслихатының ХХХVI сессиясында IV шақырылымның депутаттары 2011 жылғы қала бюджетін бекітті. Дауыс беру нәтижесі бойынша қала бюджеті 97 миллиард 777 миллион 895 мың теңгеге ұлғайды, деп хабарлайды Kazakhstan Today агенттігінің тілшісі Алматы қаласы әкімінің баспасөз қызметіне сілтеме жасай отырып.
Алматы. 18 - қаңтар. Kazakhstan Today - Бүгін Алматы қаласы мәслихатының ХХХVI сессиясында IV шақырылымның депутаттары 2011 жылғы қала бюджетін бекітті. Дауыс беру нәтижесі бойынша қала бюджеті 97 миллиард 777 миллион 895 мың теңгеге ұлғайды, деп хабарлайды Kazakhstan Today агенттігінің тілшісі Алматы қаласы әкімінің баспасөз қызметіне сілтеме жасай отырып.
Яғни, баспасөз қызметінің хабарлауынша, 2011 жылғы қала бюджеті 276 миллиард 891 миллион 895 мың теңге көлеміндегі бекітілген.
ҚазАқпарат агенттігінің таратқан ақпаратына сүйенсек, мәжілісте Алматы қаласы Экономика және бюджетті жоспарлау басқармасының бастығы Сардар Қабдолов баяндама жасады. Оның айтуынша, қала бюджетінің кіріс және шығыс бөлігі 97 миллиард 777 миллион 895 мың теңгеге ұлғайған. Оның 81 миллиард 149 миллион 399 мың теңге көлемі республикалық бюджеттен мақсатты транферттер есебінен, ал 16 миллиард 628 миллион 496 мың теңге 2010 жылғы бюджет қалдығын бөлу есебінен ұлғайған.
Республикалық бюджеттің трансферттері білімге, денсаулыққа, әлеуметтік қамтамасыз етуге, спортқа, көлік және байланысқа, жылу-энергетикалық кешенге, тұрғын үй-комуналдық шаруашылығына, құрылыс салуға және тұрғын үй сатып алу үшін Алматы қаласының бюджетін несиелендіруге бөлінбек.
Жиында 2010 жылғы қала бюджетінің орындалу қорытындысы бойынша жыл соңында 16 миллиард 628 миллион 496 мың теңге көлемінде еркін қалдық қалды деп айтылды. Оның 4 миллиард 255 миллион 874 мың теңге көлемі республикалық бюджет есебінен қалған ауыспалы шығыстар, 2 миллиард 365 миллион 833 мың теңге көлемі жергілікті бюджеттен.
Сессия жұмысына Алматы қаласының әкімі Ахметжан Есімов қатысты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.