Алматы облысында агротехнологиялық соңғы жетістіктерді қолдана отырып қарқынды технология бойынша жеміс бақтарын құру жобаларының алғашқы кезеңін іске асыру аяқталды
Алматы облысында агротехнологиялық соңғы жетістіктерді қолдана отырып қарқынды технология бойынша жеміс бақтарын құру жобаларының алғашқы кезеңін іске асыру аяқталды
Астана. 2 сәуір. "Қазақстан Бүгін" - Алматы облысында агротехнологиялық соңғы жетістіктерді қолдана отырып, жаңа піскен жемістер өндіруге бағдарланған "Alma Prodex" ЖШС компаниясы арқылы қарқынды технология бойынша жеміс бақтарын құру жобаларының алғашқы кезеңін іске асыру аяқталды, деп хабарлайды "Қазақстан Бүгін" агенттігінің тілшісі.
Құны 158 млн астам теңге тұратын жоба "ҚазАгроҚаржы" АҚ қаржыландыруымен іске асырылуда. Бұл ретте қаражаттың шамамен 70 пайызы Италиядан, Бельгиядан, Түркиядан екпе ағаштарын сатып алуға жіберілді. Қалған бөлігі - өндірісті Израиль технологиясы бойынша тамшылатып суару жүйесімен жарақтандыруға, сонымен қатар инфрақұрылымдық объектілерін салуға жұмсалды. Бүгінгі таңда ауқымы 25 га жерге алма екпе ағаштары отырғызылған. Алғашқы түсім биылғы жылы алынады деп жоспарлануда. Қазақстанның ауа райы жағдайында бейімделу қабілеттерін зерделеу мақсатында ауқымы 5 га тәжірибе алаңында алма ағаштарынан басқа қара өрік, сары өрік, шабдалы, алша мен алмұрт екпе ағаштары да отырғызылған.
Жоба негізіне Италия, АҚШ, Голландия мен Түркия елдерінің вируссыз отырғызылатын материал қолдану арқылы жоғары өнімді қарқынды жеміс бақтарын құру бойынша озық тәжірибелері алынған. Жоба тамшылатып суару жүйесін, сондай-ақ өзге де озық агротехнологияларды қолдануға негізделген. Жобаның басты мақсаты - халық мұқтаждықтарын арзан баға бойынша жаңа піскен жоғары сапалы жемістермен қанағаттандыру.
Жоба көлемі 2 га жеміс бақтарын салуға арналған үдемелі игерілетін алаңы бар және 7 мың тоннаға арналған газды ортасы бар жеміс қоймасымен бірге кезеңмен үш жыл бойы іске асырылады деп болжам жасалуда. Бұдан басқа шаруашылықта тәулігіне 20 тонна жеміс сұрыптау және орау желісін орнату және меншікті көлік инфрақұрылымын құру жоспарлануда.
Бүгінгі таңда инвестициялық жобаларды іске асыру шеңберінде "ҚазАгроҚаржы" АҚ "Alma Prodex" компаниясының өтінімін қарауда, бұл өтінімге сәйкес қарыз алушы екінші кезеңді іске асыру мақсатында бақты 300 гектарға дейін ұлғайтуды жоспарлап отыр. Бұл жобаның жалпы құны - 2 млрд теңгеден астам.
Бұрын айтылып кеткендей, ауылда инвестициялық жобалар үкіметтің экономика мен қаржы жүйесін тұрақтандыру жөніндегі бірлескен іс-қимылдар жоспары шеңберінде қаржыландырылады, осыған сәйкес агроөнеркәсіп кешенін жеделдетіп дамыту үшін "ҚазАгро" Ұлттық холдингіне 120 млрд. теңге көлемінде қаражат бөлінген.
"ҚазАгроҚаржы" компаниясы 1999 жылы ҚР үкіметінің қаулысымен құрылған. Негізгі мақсаты - ауыл шаруашылық тауар өндірушілеріне қаржы қаражаттарын, сонымен қатар лизинг негізінде ауыл шаруашылық техникалары мен технологиялық жабдықтарды алуға мүмкіндік бере отырып, республикамыздың аграрлық секторына қолдау жасау. "ҚазАгро" Ұлттық холдингі" АҚ құрамына енеді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.