Алматы облысында шағын несиелендіру бағдарламасы бойынша 308,5 млн теӊгеге 90 өтінім мақұлданды
Еске сала кетейік, "Атамекен" ҰКП мен Алматы облыстық әкімдігі шағын бизнес субъектілеріне арнап 600 млн теӊге бөлген болатын. Өӊір бойынша несиелендіруші оператор рөлін "Ауылшаруашылығын қаржылай қолдау қоры" АҚ атқарып отыр.
Алматы. 11 шілде. Kazakhstan Today - Алматы облысында шағын несиелендіру бағдарламасы бойынша 308,5 млн теңгеге 90 өтінім мақұлданды, деп хабарлайды өңірлік кәсіпкерлер палатасы.
Еске сала кетейік, "Атамекен" ҰКП мен Алматы облыстық әкімдігі шағын бизнес субъектілеріне арнап 600 млн теңге бөлген болатын. Өңір бойынша несиелендіруші оператор рөлін "Ауылшаруашылығын қаржылай қолдау қоры" АҚ атқарып отыр.
Кредиттік комитет төрайымы Римма Салықованың айтуынша, бүгінгі күні жалпы сомасы 308 млн 500 мың теңгеге 90 өтінім мақұлданды.
Бүгінгі күні қорға 533 200 мың теңгеге 112 өтінім келіп түсті. Өткен отырыста біз 57 жобаны қарастырдық, қазір комитет мүшелері жаңа өтінімдер күтіп отыр. Бағдарламаға қатысушылар арасынан Ақсу, Ескелді, Кербұлақ аудандық кәсіпкерлері алғашқылардың бірі болып несие алғанын атап өтейін. Таяу уақыттарда басқа аудандардың кәсіпкерлерінен де келіп түскен өтінімдер мақұлданады", - деді Салықова.
Комитет қант қызылшасын өсіру саласына басымдық беріп отыр. Сол арқылы шағын несиелендіру бағдарламасы қант зауыттарын шикізатпен қамтамасыз етуді, отандық өнімнің үлесін ұлғайта түсуді көздеуде.
Кәсіпкер Ибен Тайжановтың айтуынша, қаржының дер кезінде бөлінуі егіс науқаны кезінде оның шаруашылығын құрдымнан алып қалған.
Шағын несиелендіру бағдарламасы биыл біз үшін таптырмас қолдау болды, өйткені, тұқым, минералдық тыңайтқыштар сатып алуға, жұмысшылардың жалақысын төлеуге қаражат қажет болатын. Кәсіпкерлер қазірдің өзінде бағдарламаның одан әрі жалғасын табуын қалап отыр. Екінші деңгейлі банктердің қоятын талаптары қатты болғандықтан, кәсіпкерлер мұндай шағын кредиттерді көптен бері күтіп жүрген-тұғын", - деді "Тельман" шаруа қожалығының басшысы.
Шағын несиелендіру бағдарламасының басты ерекшелігі сол, кепілзат ретінде жер телімдері, тұрғын жайлар мен басқа да жылжымайтын мүлік қарастырылады. Сондай-ақ, сыйақы мөлшерлемесінің жылдығы 6% құраса, жылдық тиімді сыйақы мөлшерлемесі 6,7%-дан аспайды.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.