Алматы облысындағы Ақсу қант зауыты қант қызылшасын қабылдай бастады
Алматы облысындағы 10 жыл тоқтап тұрған Ақсу қант зауыты бүгін қант қызылшасыныӊ алғашқы легін қабылдады.
Талдықорған. 25 қыркүйек. Kazakhstan Today - Алматы облысындағы 10 жыл тоқтап тұрған Ақсу қант зауыты бүгін қант қызылшасыныӊ алғашқы легін қабылдады. Сарқан ауданыныӊ "Мажикс" СДО алқабынан дайындау пунктіне 80 тонна тәтті түбір жеткізілді, - деп хабарлайды Алматы облысы әкімініӊ баспасөз қызметі.
Осы қуанышты оқиғамен зауыт ұжымы мен шаруаларды облыс әкімініӊ орынбасары Серікжан Бескемпіров құттықтады. Өз сөзінде ол зауыттыӊ қант қызылшасын алғаш қабылдау қызылшашылар үшін де, өӊдеушілер үшін де, жергілікті халық үшін де ерекше оқиға екенін атап өтті. Он жыл бойы тұралап қалған Ақсу қант зауытыныӊ қалақұраушы кәсіпорын мәртебесін қайта жаӊғыртатын күні де алыс емес. Ал зауыттыӊ іске қосылуы жаӊа жұмыс орындарыныӊ ашылуына және сапалы қант өндіру ісін ілгерілетуге ықпал етпек.
Еске салсақ, қазіргі кезде Ақсу қант зауытын қалпына келтіру жұмыстарыныӊ негізгі бөлігі аяқталды. Қызылша жинақтау алаӊы ғана емес, барлық цехтары жұмысқа дайын, жаӊа құрал-жабдықтар орнатылған, барлық технологиялық процестер автоматтандырылады. Изірге мұнда 100 адам жұмысқа тартылған, дегенмен зауыт толық іске қосылғанда мұндағы мамандар саны 650-ге жеткізілмек. Өндірістік қуатына сай маусымына 300 мыӊ тонна шикізат өӊдей алады. Ал дайын өнімніӊ көлемі 32-35 мыӊ тонна болады деп жоспарланып отыр. Ақсу қант зауытын шикізатпен негізінен Ақсу, Сарқан, Алакөл аудандарыныӊ қант өсірушілері қамтамасыз етпек.
Бұдан бұрын да хабарлағанымыздай, Алматы облысындағы Көксу қант зауытына автокеруенмен биылғы маусымда алғашқы тәтті түбір әкелінді. Бірінші болып Қапшағай қаласыныӊ қызылшашылары 50 тоннадан астам қант қызылшасын жеткізді. Биыл Қапшағай қаласында 570 гектарға қант қызылшасы себілген. Бүгінгі күні шаруашылықтар гектарына 600 центнерге дейін өнім алуда. Қапшағайлықтардыӊ қант қызылшасын өткізу эстафетасын енді Ескелді мен Көксу ауданы жалғастырмақ.
Өткен жылы Алматы облысыныӊ қызылшашылары 6,4 мыӊ гектарға тәтті түбір өсірсе, биылғы жылы бұл дақыл алқабыныӊ көлемі 9 мыӊ гектарға жетіп отыр. Сонымен қатар өӊір қызылшашыларына тұқым, тыӊайтқыштар, жанар-жағар май, жаӊа техника алуға, өнім жинауға көрсетілетін жәрдем жалғасуда.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.