Алматы облысының әкімі аймақтағы бағаны қалыпты ұстауды тапсырды
"Табиғи монополияларды реттеу агенттігі мен барлық тұрғын үй - коммуналды шаруашылық қызметтеріне тарифті тұрақты ұстау, әсіресе электр желісі мен суға бағаны көтермеу үшін барлық шараны қабылдау қажет", - деді ол.
Алматы. 12 ақпан. Kazakhstan today. ҚР Премьер-Министрі Серік Ахметовтің тапсырмасына сәйкес бүгін Алматы облысының әкімі Аңсар Мұсаханов бағаны тұрақтандыру жөнінде аудан, қала әкімдерімен шұғыл түрде секторлық кеңес өткізді. Жиынға салалық басқарма басшылары да қатысты.
"Бірінші кезекте, ірі тауар өндірушілер және көтерме сауда орындары өкілдерімен кеңес өткізу қажет. Сондай-ақ, ет, сүт, ұн өнімдерін өндіретін өндірушілер және ұн таратушылар мен наубайханашыларға бұрынғы бағаны сақтау қажеттігін ескерту. Бірінші сорттағы нан да бұрынғы бағада қалуы тиіс. Қажетті жағдайда облыстық тұрақтандыру қорының қаражатын пайдалану керек", - деді облыс әкімі.
Біріншіден, әлеуметтік маңызды азық-түлік тауарларының қымбаттауына жол бермеу мақсатында облыс әкімінің бірінші орынбасары Амандық Баталовтың төрағалығымен облыс көлемінде бағаны тұрақты ұстау жөніндегі штаб жұмысын барынша жандандыру керек.
"Қала, әкімдеріне өңірлердегі жағдайлар жайында күнделікті ақпарат беріп отыруды тапсырамын" - деді Аңсар Мұсаханов.
"Табиғи монополияларды реттеу агенттігі мен барлық тұрғын үй - коммуналды шаруашылық қызметтеріне тарифті тұрақты ұстау, әсіресе электр желісі мен суға бағаны көтермеу үшін барлық шараны қабылдау қажет", - деді ол.
Сондай-ақ, ол ауыл шаруашылығы басқармасы, кәсіпорын иелері, Табиғи монополияларды реттеу агенттігі ауылшаруашылығы тауарларын өндірушілері және сауда үйлерінің меншік иелерімен бірлесіп, баға саясатын түсіндіру жөнінде жиындар өткізу керек екендігін айтты.
"Облыс аумағында негізгі азық-түлік тауарларының бағасын өсірмеуге, жүктелген барлық тапсырмаларды тыңғылықты атқаруға күш жұмсау қажет", - деді Аңсар Мұсаханов.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.