АЛМАТЫ. 30-наурыз. Kazakhstan Today. 2020 жылға дейін Алматы Жылу энергетикалық кешенін дамыту және модернизациялау үшін 383 млрд теңге қажет. Бұл туралы бүгін "дөңгелек үстел" барысында "КМГ-Энерго" АҚ-ның бас директорының бірінші орынбасары Бірлік Оразбаев мәлім етті, деп хабарлайды Kazakhstan Today агенттігінің тілшісі.
"Алматыны жылу және электрмен қамтамасыз етуді дамыту жоспарына сәйкес 2020 жылға дейінгі кезеңде "АПК" АҚ қуат нысандарын ауыстыру және жаңалау жұмыстарын жүргізу үшін 383 млрд теңге көлеміндегі қаржы қажет",- деп хабарлады Бірлік Оразбаев. Атап айтқанда, ол электр желілерінің нысандарын салуға және жаңартуға 170 млрд теңге қажет, ал орталықтандырылған жылумен қамтамасыз ету жүйесін жаңалау мен кеңейту инвестициясы 213 млрд теңгені құрайтындығын атап өтті.
Сонымен қатар, "КМГ-Энерго" АҚ директорының орынбасарының ақпараттарына сүйенсек, қаланың қолданыстағы электрмен қамтамасыз ету нысандарын жаңарту және жаңа нысандар салу жұмыстары басталған. "Бағдарламаға сәйкес, 8 қосалқы станцияны жаңалау мен екі жаңа станция салына бастады. Бұған қосымша тағы үш қосалқы станция салу туралы шешім қабылданған. Жұмсалатын шығын шамамен 21 млрд теңгеден асып жығылады",- деп атап өтті Бірлік Оразбаев.
Ол, сондай-ақ, метрополитендерге қызмет көрсететін Қарасу, Алатау, Отырар және Кеңсай секілді төрт қосалқы станция салу жоспарланғандығын хабарлады. "Құрылыстардың бағасы шамамен 9 млрд теңгені құрайды",- деп қосты Бірлік Оразбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Алматы Жылу энергетикалық кешенін 2020 жылға дейін дамыту және модернизациялау үшін 383 млрд теңге қажет - "КМГ-Энерго"
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.