Алматыда 2015 жылдыӊ бюджеті анықталды
Бүгін Алматыда 2015 жыл бюджетініӊ көлемі анықталды, ол 434 млрд. 497 млн. 412,3 мыӊ теӊгені құрайды. Қаланыӊ бюджеттік шығындарды алып тастағандағы нақтылы бюджеті - 350 млрд. 841 млн. теӊге. Бұл жөнінде қала әкімі Ахметжан Есімовтыӊ қатысуымен өткен V шақырылымдағы мәслихаттыӊ кезектен тыс XXXV сессиясында белгілі болды
Алматы. 20 қаӊтар. Kazakhstan Today - Бүгін Алматыда 2015 жыл бюджетініӊ көлемі анықталды, ол 434 млрд. 497 млн. 412,3 мыӊ теӊгені құрайды. Қаланыӊ бюджеттік шығындарды алып тастағандағы нақтылы бюджеті - 350 млрд. 841 млн. теӊге. Бұл жөнінде қала әкімі Ахметжан Есімовтыӊ қатысуымен өткен V шақырылымдағы мәслихаттыӊ кезектен тыс XXXV сессиясында белгілі болды, деп хабарлайды Kazakhstan Today агенттігініӊ тілшісі.
Алматы әкімі мегаполисте өткен жылы барлық көрсеткіштері бойынша оӊ динамика қалыптасқандығын атап өтті. Дегенмен, әлемде орын алып отырған экономикалық жағдайға орай Алматыда "2015-2017 жылдардыӊ Дағдарысқа қарсы жоспары" бекітілді, деп хабарлайды almaty.gov.kz тілшісі.
"Өткен жыл ойдағыдай өтті. Ал, биыл жоғарыда аталған себептерге байланысты бюджет қысқаруы мүмкін. Біз қазіргі кезде жалпы сомасы 3,3 млрд. теӊгеніӊ оӊтайландыру жұмыстарын жүргіздік. Жергілікті бюджетті толықтыратын резервтер де бар. Олар "Дағдарысқа қарсы жоспарда" нақтылы көрсетілген. Біздіӊ міндетіміз оны толығымен жүзеге асыру", - деді Ахметжан Есімов.
Қаланы басқару схемасын бекіту туралы мәселені қарау барысында Үкіметтіӊ 2014 жылдыӊ 29 желтоқсанындағы №1397 қаулысына сәйкес Алматыныӊ жергілікті атқару органыныӊ базалық құрылымына 3 басқарма қосылды, олар - Мемлекеттік сәулет - құрылыс бақылау басқармасы, Жерді пайдалануды бақылау басқармасы және Ауыл шаруашылық басқармасы.
"Президент өткен жылдыӊ тамыз айында билікті орталықсыздандыру, бірқатар функциялар мен өкілеттілікті жергілікті органдарға беру туралы міндет қойған болатын. МСҚББ бізде болғанымен, министрлікке бағынатын, енді ол біздіӊ қарауымызға қайтарылды. Жер инспекциясы басқармасы, Ауыл шаруашылығы басқармасы туралы да осыны айтуға болады. Яғни, орталыққа бағынышты болғандар жергілікті атқару органдарыныӊ қарамағына қайтарылды", - деді Ахметжан Есімов.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.