Алматыда 7 айдыӊ қорытындысы бойынша шағын және орта бизнес субъектілерінен бюджетке түскен салық түсімі 37 млрд. теӊгеге өсті
Алматы. 20 тамыз. Kazakhstan Today - Алматы қаласыныӊ қайта жаӊғыруы, қаланыӊ тарихи орталығын қайта құру шағын және орта бизнестіӊ дамуына қалай ықпал еткенін алматылық кәсіпкерлер айтып берді. Алматыда жеті айдыӊ қорытындысы бойынша шағын және орта бизнес субъектілерінен бюджетке түскен салық түсімініӊ өсуі 37 млрд. теӊгеге белгіленді. Сонымен бірге, жалпы көлемніӊ үлесі 661,2 млрд. теӊгені құрай отырып, қазірдіӊ өзінде 60% асып түсті.
Илемдік тәжірибе көрсеткендей, жаяу жүргіншілер аймағыныӊ трансформациясы трафиктіӊ орта есеппен 30%-ға ұлғаюына, ал дүкендердіӊ айналымы 17%-ға артуына алып келеді. Егер Панфилов және Жібек Жолы көшелерініӊ қайта жөндеуге дейінгі орташа ай сайынғы айналымы мұнда 25 млн. теӊгені құраса, жөндеуден өткеннен кейін көшелер 37 млн. теӊгеге дейін өсті. Өз кезегінде кәсіпорындарға келу 40%-ға өсті.
Мысалға, егер өткен жылы автокөлікті Панфилов көшесінде 18 бизнес нысаны жұмыс істесе, бүгінде жүргіншілер көшесінде бұл сан 30-ға дейін өсті. Өз кезегінде Арбатта бұл көрсеткіш екі есе ұлғайды. Яғни, бір жыл ішінде тек екі көшедегі сауда мен қоғамдық тамақтанудыӊ нысандар саны 26-дан 43-ке дейін өсіп отыр.
Панфилов көшесініӊ қайта құрылуы бизнестіӊ сапасына қалай әсер еткені жөнінде "Меломан" компаниясыныӊ бас директоры Вадим Голенко айтып берді.
"Біздіӊ дүкен Гоголь-Панфилов көшелерініӊ қиылысында 2001 жылдан бері жұмыс істейді. Бұл жылдары адамдар стрит-ритейлдерге, содан соӊ сауда орталықтарына кетсе, қазір жақсы сән орындарына барады. Бізде мынадай статистикаға қарсы шыққан оқиға болған. Қайта жөндеуден соӊ бұрын болмаған кітаптардыӊ сатылу өсімі басталды. Біздіӊ еліміз бойынша дүкендеріміз көп. Қазір Панфилов көшесін Қазақстанныӊ басқа қалаларымен салыстыруға келмейтіндей етіп жасады", - деп көрсетті Вадим Голенко.
Оныӊ сөзінше, қайта жаӊартылған Панфилов көшесінде орындықта кітап оқу адамдар шетелден көріп жүргенмен сәйкес келеді.
"Бүгінде Панфилов бойымен қыдыру - бұл мәдени-эстетикалық оқиға және кітаптардыӊ форматы осы суретке толық сәйкес келеді. Сондай-ақ, Панфилов көшесін туристік тартымдылыққа айналды деп айтуға болады. Бізде ағылшын тіліндегі әдебиеттердіӊ сатылымы ұлғаюда. Бұл шетелдік қонақтардыӊ пайда болғанын көрсетеді. Өзімнен білемін, Панфилов көшесін жөндеу кезінде біздіӊ дүкенде сауда төмендеп кеткен болатын, бірақ біз бұл жағдайдыӊ уақытша екенін түсіндік. Қалалық биліктіӊ таӊдаған бағыты нақты нәтижелерге әкеледі. Және мұндай жағдайда - бұл біздіӊ дүкенніӊ сатып алушыларыныӊ ризашылықтары", - деп қосты ол.
Еске сала кетейік, биылғы жылы Алматыда қаланыӊ тарихи орталығын қайта жөндеу жалғасуда.
Егер өткен жылы Панфилов, Жібек Жолы, Гоголь, Қабанбай батыр, Төлебаев, Бәйсейітова және "Астана" алаӊы жөндеуден өтсе, биылғы жылы Абай, Абылай хан, Достық, Назарбаев, Желтоқсан даӊғылдары, "Алматы-2" вокзалы аумағы және Республика сарайы алдындағы алаӊ жөндеуден өтетін болады.
Соӊғы үш жылда 524 көше мен 800 шақырымнан аса инжернерлік жүйелер салынып, жөндеуден өтті. 3787 ауланыӊ 1400-і қамтылып, күрделі жөндеуден өтті.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.