Алматыда "Қазақстан-Ресей: стратегиялық әріптестіктің экономикалық және саяси факторлары" атты конференция өтті
Форум жұмысына қазақстандық сарапшылармен қатар Ресей Ғылым академиясының әлемдік экономика және халықаралық қатынастар институтының өкілдері атсалысты. Конференция барысында Ресей мен Қазақстанның ортақ экономикалық кеңістік аясындағы сауда-экономикалық, қаржы -инвестициялық, аймақтық қауіпсіздік саласындағы әріптестігі талқыланды. Басқосуға Қазақстан Парламентінің депутаттары, "Нұр Отан" халықтық демократиялық партиясының өкілдері, ғалымдар қатысты.
Алматы. 10-сәуір. Kazakhstan Today - Қазақстанның стратегиялық зерттеулер институтында "Қазақстан-Ресей: стратегиялық әріптестіктің экономикалық және саяси факторлары" атты алтыншы ғылыми-тәжірибелік конференция өтті, деп хабарлайды Kazakhstan Today агенттігінің тілшісі.
Форум жұмысына қазақстандық сарапшылармен қатар Ресей Ғылым академиясының әлемдік экономика және халықаралық қатынастар институтының өкілдері атсалысты. Конференция барысында Ресей мен Қазақстанның ортақ экономикалық кеңістік аясындағы сауда-экономикалық, қаржы -инвестициялық, аймақтық қауіпсіздік саласындағы әріптестігі талқыланды. Басқосуға Қазақстан Парламентінің депутаттары, "Нұр Отан" халықтық демократиялық партиясының өкілдері, ғалымдар қатысты.
Сарапшылардың пікірінше, Қазақстан президенті Нұрсұлтан Назарбаев тоқсаныншы жылдардан бастап көтерген евразиялық интеграция туралы бастамасы бүгінде өзінің өміршеңдігін дәлелдеп, үлкен қарқынмен жүзеге асуда. Бұл жағдайда саяси және экономикалық сарапшыларға жүктелетін басты міндет - интеграциялық үдерістерді қандай бағытта дамыту қажеттігін айқындау.
"Илемдік дипломатиядағы жаңа үрдістер туралы айтатын болсақ, Президент Нұрсұлтан Назарбаев жаханда болып жатқан ауқымды өзгерістерді алғашқы болып тамырын дөп басты. Алғашында аймақтық және аймақаралық интеграция туралы идеяға көптеген саясаткерлер күмәнмен қарағаны рас. Дегенмен, қазір Азияда тұрақтылық орнамай, басқа әлемдегі, мысалы европадағы қауіпсіздік туралы сөз қозғау мүмкін емес екеніне бәрі де көз жеткізді. Мұндай әлемдік маңызы бар бастамаларды жүзеге асыруда Қазақстанның европадағы қауіпсіздік және ынтымақтастық ұйымына төрағалық етуі үлкен роль ойнады. Қазақстанның интеграция туралы бастамаларын бүгінде ең озық ойлы сарапшылар мен саясаткерлер қолдап отыр",- деп мәлім етті ҚСЗИ директоры Болат Сұлтанов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.