Алматыда метроныӊ жаӊа тармағын, демалыс аймағын салу және "Тозығы жеткен баспана" бағдарламасыныӊ жүзеге асырылу жайы талқыланды
Алматы. 7 қазан. Kazakhstan Today - Алматыда қала әкімініӊ орынбасары Ерлан Иукенов, аудан әкімі Владимир Устюгов, шетелдік инвесторлар, аудандағы ірі және орта өнеркәсіп орындарыныӊ өкілдері, қаржылық даму институттары, дипломатиялық өкілдіктердіӊ және т.б. қатысуымен Қазақстан Республикасы Тәуелсіздігініӊ 25 жылдығына орай Түріксіб ауданыныӊ инвестициялық форумы өтті, деп хабарлайды қалалық Кәсіпкерлік және индустриялық-инновациялық даму басқармасы.
"Негізгі капиталға салынған инвестициялардыӊ көлемі 27 млрд астам теӊгені құрады, оныӊ 20% немесе 5 млрд теӊгесі - шетелдік. Қазіргі сәтте аудан көбінесе өнеркәсіптік және әлеуметтік нысандарды салуға арналған жалпы аумағы 7500 га құрайтын жер массивінен тұрады. Ауданда шамамен 700-ге жуық өнеркәсіптік және көліктік кәсіпорындар, 50-ден астам темір жол тұйықталымдары бар", - деді Владимир Устюгов.
Оныӊ айтуынша, жылдыӊ басынан бері жеке меншік инвестициялардыӊ есебінен 12 мектеп жасына дейінгі балалар мекемесі, 8 спорт алаӊы салынды, көпқабатты тұрғын үйлердіӊ 22 қасбеті жөнделді. Инфрақұрылым мен бизнестіӊ дамуына тоқталған Владимир Устюговтыӊ айтуынша, ауданда "Бизнестіӊ жол картасы - 2020" және "Индустрияландыру картасы" мемлекеттік бағдарламаларыныӊ шеӊберінде 42 кәсіпорын қолдауға ие болды, соныӊ нәтижесінде шамамен 6000 жаӊа жұмыс орны құрылады.
Сонымен бірге форумда "Метрополитен" КҚМ директоры Нұрлан Мұханов Түріксіб ауданында жер асты транспортын дамыту жоспарлары туралы баяндады.
Оныӊ айтуынша, "Райымбек батыр" бекетінен бастап Сейфуллин даӊғылын бойлай қаланыӊ төменгі бөлігіне қарай метроныӊ жаӊа тармағын салу қарастырылатын болады: Жансүгіров көшесі мен Сейфуллин даӊғылыныӊ қиылысында, Сейфуллин даӊғылын бойлай Ақан сері көшесіне айналмада, Жұмабаев көшесі мен Сейфуллин даӊғылыныӊ қиылысында, "Локомотив" стадионы, "Алматы-1" теміржол бекеті маӊында, Бекмаханов пен Жансүгіров көшесініӊ қиылысында, "Первомайский", сондай-ақ, "Қоянқұс" және "Ынтымақ" кентінде.
Бұған қоса, кездесу барысында "Тозығы жеткен баспана" мемлекеттік бағдарламасы бойынша ескі үйлерді сүру және жаӊа үйлер салу мәселесі де көтерілді. Мәселен, Сейфуллин - Успенский - Молдағұлова көшелері- Баум бағы квадратында жеке меншік қаржыныӊ есебінен көне үйлердіӊ орнына балаларды оқыту орталығын, балабақша, полицияныӊ кезекші бөлімін, туристік бюро, көпқабатты көлік тұрағын және т.б. салу жоспарланып отыр.
Аудан әкімі сонымен қатар "Жас Қанат" ықшамауданын дамыту туралы да айтып берді. Атап айтсақ, Алматы көлін қайта жаӊғырту және абаттандыру талап етілуде, кейін бұл жерде сулы аттракцион түрлері бар демалыс аймағы салынуы мүмкін. Көлдіӊ жанында 13 гектар аумағы бар орманды саябақ орналасқан, ол да арқан қалашық пен басқа да ойын-сауық түрлерін ұйымдастыруға жарамды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.