Алматылық стартапшылар жүлде қоры 5 млн теӊгені құрайтын Startup Day және Tech Garden Cup байқауларына қатысты
Алматылық стартапшылар Tech Garden Fair 2017 технологиялар мен стартаптардыӊ III фестивалі шеӊберінде жүлде қоры 5 млн теӊгені құрайтын Startup Day және Tech Garden Cup байқауларына қатысты, деп хабарлайды Kazakhstan Today.
Алматы. 25 қыркүйек. Kazakhstan Today - Алматылық стартапшылар Tech Garden Fair 2017 технологиялар мен стартаптардыӊ III фестивалі шеӊберінде жүлде қоры 5 млн теӊгені құрайтын Startup Day және Tech Garden Cup байқауларына қатысты, деп хабарлайды Kazakhstan Today.
Байқауларға 200-ден астам стартап-жобалар ұсынылды. Tech Garden Cup қорытындысы бойынша 500 000 теӊге мөлшеріндегі жүлдені "Бухта.кз" (бухгалтерия және онлайн-сервис) жобасы жеӊіп алды, деп хабарлайды Алматы қалалық Кәсіпкерлік және индустриялық-инновациялық даму басқармасы.
Іс-шараны Алматы қаласы әкімініӊ орынбасары Алмас Мәдиев ашты. Ол инновациялық экожүйені дамытудағы фестивальдіӊ атқаратын жоғары рөлін атап өтті.
"Бұл фестиваль Елбасыныӊ "Ұлт жоспары - 100 нақты қадам" жобасында инновациялық секторды дамыту, ғылыми сыйымдылығы жоғары экономика құру, сондай-ақ, экономиканыӊ технологиялық секторларына инвестициялар тарту бойынша берген тапсырмаларын орындауға жасалған тағы бір қадам. Сондай-ақ, қалада инновациялық жаӊашылдарға мемлекет тарапынан қолдау көрсету бағытында белсенді жұмыс жүргізілуде. "Бизнестіӊ жол картасы - 2020" бағдарламасыныӊ шеӊберінде былтыр біз 31 кәсіпкерге қолдау көрсеттік, олар 84 млн теӊге мөлшерінде грант алды. 2017 жылы грант жеӊіп алғандар саны екі есеге өсіп, 65-ке жетті. Олар 145 млн теӊгеніӊ гранттық қаржыландыруына ие болды. Біз жас кәсіпкерлер мен стартапшыларды бағдарламаға келесі жылы да қатысуға шақырамыз. Құжаттар 2018 жылдыӊ мамыр айында жиналады", - деді Алмас Мәдиев.
Мекеменіӊ ақпаратына сәйкес, байқаулардыӊ барлық жеӊімпаздары Almaty Tech Garden аясында акселерациядан өте алады, бұл менторлардан дәріс алуды, нетворкинг, салалық сараптамадан өтуді, жобаларды ілгерілету және жұмыс орнын жабдықтау бойынша қолдау алуды білдіреді. Ауқымын кеӊейту (масштабтау) әлеуеті бар еӊ келешегі зор жобалар Startup Kazakhstan халықаралық акселерациялау үшін іріктеуден өтеді. Оған қатысушылар $100 000 мөлшеріне дейін инвестиция және АҚШ-тыӊ Силикон аӊғарында дайындықтан өту мүмкіндіктеріне ие болады.
Еске сала кетейік, Қазақстан Республикасыныӊ президенті Н.Назарбаевтыӊ Қазақстан халқына арнаған жолдауында ел халқыныӊ әл-ауқатын арттыруға баса назар аударылып, ол мемлекеттік саясаттыӊ басты мақсаты ретінде жарияланған, бұл ретте "халық үшін нақты нәтижелерге" алып келуге бағытталған жеке инвестициялар мен жобаларға ерекше рөл берілген. Сондай-ақ, президент білім беру - басты буыны болып табылатын жаӊа экономикалық өсім моделін құру мақсатын қойған болатын.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.