Алматыныӊ Қалақұрылысы кеӊесі бірқатар жобаларды бекітті
Қалақұрылыс кеӊесінде тұрғын кешенін салу мәселесі қаралғанда бала бақшалар мен мектептерге айрықша назар аударылады. Соӊғы 2 жыл ішінде инвесторлар есебінен 7 мыӊ орынды 54 бала бақша салу жөнінде шешім қабылданған. 3 мыӊ орынды 24 бала бақша коммуналдық меншікке беріледі. Осыныӊ арқасында бюджеттіӊ 24 млрд. теӊге қаржысы үнемделді.
Алматы. 7 қыркүйек. Kazakhstan Today - Алматыныӊ Қалақұрылысы кеӊесінде көпәтерлі үш тұрғын үй мен PE&IT КБТУ институтыныӊ көпфнукционалды кешенін салу жобалары бекітілді.
Үш тұрғын үй кешенін салу 19 млрд. теӊге инвестиция тартуға, үш мыӊға жуық жұмыс орнын ашуға, 120 орынды екі бала бақша тұрғызуға мүмкіндік береді.
Мысалы,Бостандық ауданындағы Радостовец көшесініӊ батысынан Қожабеков көшесініӊ солтүстігіне қарай бірыӊғай архитектуралық ансамбльді құрайтын 14 қабатты екі нысанныӊ құрылысы басталады. Тұрғын кешенін жобалау барысында абаттандыру, демалыс аймағын жасылдандыру, балалар алаӊдарын жасау,кіші пішінді архитектуралы формаларды қою қарастырылған. Жобаны жүзеге асыру мерзімі - 16 ай.
Түрксіб ауданыныӊ "Қайрат" ықшам елді мекенінде сауда орталығы бар тұрғын кешені пайда болады. Жобада он бір 9 қабатты тұрғын үй, сауда орталығы, 200 орынды паркинг пен мектеп жасына дейінгі балалар мекемесін салу көзделген. Жобаны жүзеге асыру мерзімі - 36 ай. Кешенніӊ тұрғын үйлері Рысқұлов көшесіне тіке орналасады, инвестор жоба аясында тұрғындар мен қаланыӊ экстренді қызметтері үшін өте қолайлы Үлкен Алматы каналы арқылы өтетін көпірді тегін салып беруді жоспарлап отыр.
Бұлардан өзге, Алмалы ауданындағы Наурызбай батыр көшесі бойында 3 секциядан тұратын әрқайсысы 12 қабатты тұрғын кешені бой көтереді.Кешенде коммерциялық негіздегі нысандар, жеке жер асты паркингтер болады және аула кеӊістігі ұтымды пайдаланылады.
Жобаларды қарау барысында құрылысты салушылардыӊ назары көліктер тұрағыныӊ санына, ішкі әрлеу жұмыстарына сапалы материалдарды пайдалануға,түнде үйлердіӊ сыртын жарықтандыруға, кішімобильді топтарға жағдай жасауға, алаӊдарды жасылдандыруға аударылды.
Алматыныӊ Қалақұрылысы кеӊесінде PE&IT КБТУ интситутыныӊ "Алатау" ықшам ауданында бой көтеретін қосалқы нысандары бар көпфункционалды кешенініӊ ұзақ мерзімді жобасы да қаралды.
"ПИТ" АЭА - тыӊ 30 га жеріне орналасатын кешен шартты түрде екі бөліктен тұрады, олар- оқу-жаттығу полигоны және кешенніӊ ғылыми- өндірістік аумағы мен оқу-әкімшілік корпустыӊ, мультмедиялық орталықтыӊ, асхананыӊ, студенттік орталықтыӊ, ғылыми- зерттеу лабораториясыныӊ және басқаларыныӊ басын біріктіретін көпфункционалды нысан. Жобаныӊ құны - 118,9 млрд. теӊге. Құрылыстыӊ аяқталу мерзімі - 52 ай.
Қалақұрылыс кеӊесінде тұрғын кешенін салу мәселесі қаралғанда бала бақшалар мен мектептерге айрықша назар аударылады. Соӊғы 2 жыл ішінде инвесторлар есебінен 7 мыӊ орынды 54 бала бақша салу жөнінде шешім қабылданған. 3 мыӊ орынды 24 бала бақша коммуналдық меншікке беріледі. Осыныӊ арқасында бюджеттіӊ 24 млрд. теӊге қаржысы үнемделді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.