"Алматы Жастары 3.0" бағдарламасының аясында 188 тұрғын жеңілдетілген шарттармен пәтерлерін алды
Ол 188 пәтерден 82-сін білім саласының қызметкерлері, мәдениет саласынан -12, ЖОО және ҒЗИ қызметкерлерінен - 23, БАҚ қызметкерлерінен - 11 адам баспаналы болғанын айтты.
Алматы. 7 тамыз. Kazakhstan Today - "Алматы Жастары 3.0" бағдарламасының аясында 188 тұрғын жеңілдетілген шарттармен пәтерлерін алды.
Бұл туралы Алматы қаласының өңірлік коммуникациялар қызметінің алаңындағы онлайн брифинг барысында Алматы қаласының Тұрғын үй саясаты Басқарма басшысының орынбасары Айбек Сайделдаев және Қазақстан Тұрғын үй құрылыс жинақ банкінің Алматылық филиалы директорының орынбасары Данагүл Тілеуберліқызы айтты.
Алматы қаласының әкімі Бақытжан Сағынтаевтың бастамасымен әлеуметті салада қызмет ететін жастарға арнап несиелендіру талаптары барынша жеңілдетілген "Алматы Жастары 3.0" жеңілдетілген несилендірудің қалалық бағдарламасы іске қосылғанын еске саламыз. Бұл - денсаулық сақтау, білім беру, мәдениет, спорт, сонымен бірге ЖОО мен ҒЗИ, журналистер және әлеуметтік саладағы басқа да қызметкерлер.
"2020 жылы барлығы қалалық "Алматы жастары 3.0" (1000 пәтер) және республикалық "Бақытты отбасы" бағдарламаларының аясында 3,5 мың пәтер бөлу жоспарлануда. Биылғы жылдың бірінші жартыжылдығында осы екі бағдарлама бойынша 343 отбасы баспаналы болды. Оның ішінде 188 пәтер "Алматы жастары 3.0" бағдарламасы және 155 пәтер "Бақытты отбасы" бағдарламаларының аясында", - деді Айбек Сайделдаев.
Ол 188 пәтерден 82-сін білім саласының қызметкерлері, мәдениет саласынан -12, ЖОО және ҒЗИ қызметкерлерінен - 23, БАҚ қызметкерлерінен - 11 адам баспаналы болғанын айтты.
Қала әкімдігі тарапынан "Алматы 3.0" бағдарламасын жүзеге асыру үшін 10 млрд теңге бөлінгенін атап өту керек. Тұрғын үй құрылыс жинақ банкі тарапынан 3 млрд теңге бөлінген. ТҚЖБ Алматы филиалы директорының орынбасары Данагүл Тілеуберліқызының хабарлауынша, биылғы жылы осы сомаға 1000 отбасыны қамтамасыз ету жоспарлануда.
"Әкімдік тарапынан биылғы жылы жақсы сома 10 млрд теңге бөлінді. Оған дейін бөлінген сома әлдеқайда төмен. ТҚЖБ тарапынан 3 млрд теңге бөлінді. Барлығы осы 13 млрд теңгеге "Алматы жастары 3.0" бағдарламасы бойынша 1000 отбасыны қамтамасыз ету жоспарлануда", - деді Данагүл Тілеуберліқызы.
Несиелендіру шарттары келесідей:
oҚарыз сомасы 13 млн құрайды
oАлғашқы жарна 10 пайыз,
oНесие бойынша пайыздық мөлшерлеме 5 пайыз.
oБаспананы бастапқы нарықта, сондай-ақ, қайталама нарықта және салынып жатқан нысандардан алуға болады
oҚатысушылардың жасы 35 жасқа дейін
oМеншік иесінің құқығында 5 жыл баспананың болмауы
oҚаладағы білім беру, медицина, спорт, мәдениет, БАҚ және т.б. салалардағы қызмет өтілі 6 айдан кем болмауы керек.
Бағдарламаның шарттары туралы толығырақ almaty-zhastary.kz сайтынан білуге болады.
"Бүгінгі таңда маусым айының басынан бері 565 тұтынушы банктің оң шешімін алған. Олар кредитті өтеу қабілеттігі мен төлемқабілеттілігін дәлелдеген. Тек баспана табу ғана қалды", - деп толықтырды Данагүл Тілеуберліқызы. Сонымен бірге, ол "Алматы жастары" бағдарламасының аясында егер қарыз алушының табысы жеткіліксіз болса, банк тарапынан тағы екі қосалқы қарыз алушыны тарту рұқсат етілетінін айтты. Қосалқы қарыз алушы ретінде үшінші бір тұлғалар немесе туған-туыстар қатыса алады.
Бұдан бөлек, "Бақытты отбасы" республикалық бағдарламасының аясында бүгінгі таңда 155 отбасы неиселендірілген. Олардың ішінде 76-сы көпбалалылар, 60-ы толық емес отбасылар және мүгедек балаларды тәрбиелеп отырған 19 отбасы бар.
Тұрғын үй құрылыс жинақ банкі арқылы қосымша "Нұрлы жер" бағдарламасы жүзеге асырылуда.
"Нұрлы жер бағдарламасының аясында барлығы 2020 жылы 360 пәтер жоспарланған. Оның ішінде 300-і банк және тұрғын үй саясаты басқармасы тарапынан бәрі пысықталды. Сатып алу және сату құжатары иелеріне берілді. Бүгінгі таңда аталған пәтерлерді рәсімдеу жұмыстары жүргізілуде. Сенбі күні біз ақырындап адамдарды үйлеріне жайғастырып бастаймыз", - деп толықтырды Айбек Сайделдаев.
Коммуналдық тұрғын үй қорынан 883 пәтер беру жоспарланған. Аталған пәтерлер кезек тәртібіне қарай бөлінетін болады. 443 пәтер Жас қанат ш.а әлеуметтік осал топтарға және 440 пәтер Алғабас ш.а көпбалалы отбасыларға арналған.
"Қорытынды бойынша, 150 пәтер әлеуметтік осал топтарға арналған. Баспана иелерін қоныстандыру үшін құжаттарды әзірлеу жұмыстары жүргізілуде. Көпбалалы отбасылар бойынша ұқсас 115 пәтерді дайындап қойдық. Құжаттарды рәсімдеу жүргізілуде, тамыз айының соңына қарай бір бұл пәтерлерді пайдалануға береміз.
Өтініштер екі кезеңге ЭСҚ көмегімен электронды түрде қабылданды. Бірінші кезең бойынша "Алматы Жастары 3.0" бағдарламасына қатысуға 3 мың өтініш түскен, екінші кезеңде 5 мың өтініш келген", - деп толықтырды Айбек Сайделдаев.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.