Алматыда шағын және орта бизнес пен жеке тұлғаларға арналған салықтық рақымшылық мүмкіндіктері талқыланды
2019 жылғы 11 шілдедегі жағдай бойынша Алматы қаласында жалпы сомасы 1,0 млрд. теңгені құрайтын 7 009 салық төлеуші салық берешегін өтеген, олардан 338,7 млн. теңге айыппұл, 7,8 млн. теңге өсімақы шығарылған.
Нұр-Сұлтан. 19 шілде. Kazakhstan Today - Қазақстан Республикасы Қаржы министрлігінің Мемлекеттік кірістер комитеті Алматы қаласы бойынша Мемлекеттік кірістер департаментімен бірлесіп, Комитет Төрағасының орынбасары Жайдар Іңкәрбаевтың төрағалығымен "ҚР салықтық рақымшылығы, сондай-ақ, камералдық бақылаудың кейбір мәселе сұрақтары" тақырыбында салық төлеушілерге арналған семинар өткізілді.
Семинарға Комитет пен Департаменттің қызметкерлері, 500-ге жуық салық төлеушілер, Алматы қаласындағы бизнес өкілдері, ассоциациялар мен ҮЕҰ өкілдері, СЭҚҚ қатысты.
Шара барысында Комитет басшылығы Қазақстандағы салық рақымшылығының мәселелері мен камералдық бақылау мәселелерін егжей-тегжейлі талқылады.
Бұдан басқа, семинардың салық төлеушілері мен қатысушылары Комитеттің басшылығына семинардың тақырыбы бойынша тікелей сұрақ қою мүмкіндігіне ие болды.
2019 жылғы 11 шілдедегі жағдай бойынша Алматы қаласында жалпы сомасы 1,0 млрд. теңгені құрайтын 7 009 салық төлеуші салық берешегін өтеген, олардан 338,7 млн. теңге айыппұл, 7,8 млн. теңге өсімақы шығарылған.
2018 жылдың 1 қазанындағы жағдай бойынша қарыздары 27,6 млрд. теңгені, айыппұлдар - 16,3 млрд. теңге, өсімақы - 1,8 млрд. теңгені құрайтын қаладағы 15 964 шағын және орта бизнес субъектілердің салық берешегі болғанын айта кету керек.
Салықтық рақымшылық ағымдағы жылдың соңына дейін жалғасатынына назар аударамыз, осыған байланысты шағын және орта бизнестің жинақталған борыштарынан құтылу және мемлекеттік крістер органдарының барлық шектеулерін жою мүмкіндігін еске саламыз.
Бұдан басқа, салық төлеушілерге - жеке тұлғаларға алдағы салықтық рақымшылық туралы салық органдарына 2019 жылдың 1 қаңтарға дейін салық кезеңі үшін салық төлеудің негізгі сомасын төлеуге жататын айыппұлды есептен шығару туралы хабарлаймыз.
Семинар барысында баяндамашылар аудиториядан және WhatsApp хабаршысы арқылы салық төлеушілердің семинар барысында келген сұрақтарына жауаптарын берді.
Еске сала кетейік, 2019 жылдың 31 мамырында Комитет төрағасы Марат Сұлтанғазиевтің қатысуымен осындай семинар елордада өткізілді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.