Қарағанды облысындағы Абай қаласының тұтынушылары электр энергия тарифтерін саралау, қосу құнының қымбаттвғв мәселелерін көтерді
Келесі іс-шара 7 сәуірде Шахтинск қаласында жоспарланған.
Алматы. 3 наурыз. Kazakhstan Today - ҚР ҰЭМ Табиғи монополияларды реттеу комитеті төрағасының орынбасары Қарағанды облысындағы Абай қаласының тұтынушыларымен кездесті.
2 наурызда Қарағанды облысының Абай қаласында қоғамдық қабылдау өткізілді.
Қабылдауға тұтынушылардың өздері де, тұтынушылардың, кәсіпкерлердің және табиғи монополия субъектілерінің мүдделерін білдіретін 20-дан астам адам келді.
ҚР ҰЭМ Табиғи монополияларды реттеу комитеті төрағасының орынбасары Асхат Жапсарбай Абайдың коммуналдық қызмет тұтынушыларын және бизнес өкілдерін тыңдады.
Комитет төрағасының орынбасарына Топар БТЭС-тан оларға электр энергиясын тікелей жеткізуге қатысты сұрақ қойды.
Комитет төрағасының орынбасарына тікелей МАЭС Топардан электр энергиясын жеткізуге, электрмен жабдықтау компанияларын реформалауға, үйге ортақ есептеу құралдарын орнатуға, табиғи монополиялар туралы заңнаманы одан әрі жетілдіруге қатысты сұрақтар қойылды.
Мысалға, "Әлем" ҚБ-ның төрағасы Колесников азаматы қазіргі уақытта электр энергиясы Қарағанды ЖЭО 3 және Өскемен ЖЭО-дан сатып алынуда, бұл Топардан едәуір алшақ екенін атап өтті.
"Көрсетілген ЖЭО-дағы электр энергиясының бағасы айтарлықтай қымбат, ал ЖЭО қасында болса, Топар оның арзан бағасымен қазіргі бекітілген тарифті төмендетер еді", - деп атап өтті ол.
Дубовка кентінің тұрғыны су бұру жүйесінің жағдайына және жүйені ретке келтіру қажеттілігіне алаңдаушылық білдірді. Абай қаласының энергетиктер ардагерлер кеңесінің төрағасы да коммуналдық қызметтерге төлем түбіртегін заңнамаға сәйкес келтіру қажеттігін атап өтті.
Төрағаның орынбасары жауап ретінде бұл жағдайда заңнамадағы өзгерістер қажет екендігі түсіндірді, себебі қазіргі уақытта бұл мәселе азаматтық-құқықтық қатынастардың аясында.
Сондай-ақ, ол комитет осындай өзгерістерді пысықтап жатқанын, және осы мәселені шешудегі жергілікті атқарушы органның рөлі де маңызды екенін атап көрсетті.
Сондай-ақ, азаматтар қабылдауға қатысқан табиғи монополия субъектілеріне де сұрақтар қоя алды.
Тұтынушылар электр энергия тарифтерін саралау, қосу құнының қымбат болуы, энергия беруші ұйымдардың энергиямен жабдықтаушы ұйымдармен бірігуі және тағы басқа мәселелер қатысты сұрақтар көтерді.
Барлық сұрақтарға төрағаның орынбасары нақты жауаптар мен тиісті түсініктемелер берді, ал кейбір сұрақтарды жеке бақылауға алды.
Азаматтарды қабылдау кестесіне сәйкес, осындай қоғамдық қабылдауларды жыл бойы облыстың барлық өңірлерінде өткізу жоспарлануда.
Келесі іс-шара 7 сәуірде Шахтинск қаласында жоспарланған.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жеке пайдалануға арналған тауарларды бажсыз әкелу шегі бұрынғы деңгейде белгіленді
Сурет: Depositphotos
Жеке пайдалануға арналған тауарларды бажсыз әкелудің ұлғайтылған шегі бойынша ЕЭК Кеңесінің 2023 жылғы 27 қыркүйектегі № 94 шешімінің қолданылу мерзімі аяқталды, деп хабарлайды Мемлекеттік кірістер комитетінің баспасөз қызметінен.
Еске салса кетейік, Еуразиялық экономикалық комиссия кеңесінің 2023 жылғы 27 қыркүйектегі № 94 шешімі Еуразиялық экономикалық комиссия кеңесінің 2017 жылғы 20 желтоқсандағы № 107 "Жеке пайдалануға арналған тауарларға байланысты жекелеген мәселелер туралы" шешімімен көзделген жеке пайдалануға арналған тауарларды бажсыз әкелудің ұлғайтылған шегінің қолданысын ұзартқан болатын.
Осыған орай, 2024 жылғы 1 сәуірден бастап бажсыз әкелу шегі өзінің бұрынғы деңгейіне оралды, яғни:
- алып жүретін немесе алып жүрмейтін багажда әуе немесе жаяу тәртіптен басқа көлік түрлерімен әкелінетін тауарлар үшін - құны 500 еуроға баламалы сомадан аспайды және (немесе) салмағы 25 кг аспайды;
- тасымалдаушы жеткізетін немесе халықаралық пошта жөнелтілімдерінде жөнелтілетін тауарлар үшін-құны 200 еуроға баламалы сомадан аспайды және (немесе) брутто салмағы 31 кг аспайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы айналма темір жолының құрылысы кесте бойынша жүріп жатыр
Сурет: KТЖ
Алматы айналма темір жолының құрылысы кесте бойынша жүріп жатыр, деп хабарлайды "Қазақстан темір жолы" ҰК" АҚ баспасөз қызметінен.
Алматы станциясы теміржол торабын айналып өтетін айналма теміржол желісін салу" жобасын іске асыру Алматы станциясын айналып өтіп, жүк ағынын Жетіген - Қазыбек бек жаңа темір жолына қайта бағыттауға мүмкіндік береді.
Жаңа тармақтың Қазақстанның көлік-транзиттік әлеуетін дамыту үшін маңызы зор, бұл Алматы торабына жүктемені 40% төмендетуге және жүктерді жеткізу уақытын едәуір қысқартуға мүмкіндік береді.
Қазіргі уақытта жұмыстар ұзындығы 20 км болатын учаскелерде жүргізілуде, 100 астам арнайы техника бірлігі мен 300 жуық адам жұмылдырылды. Негізгі жолдың жалпы ұзындығы 75 км, станциялық жолдар - 50 км. Жалпы жоба аяқталғанға дейін 125 км темір жолы салынады.
Сондай-ақ, жобада көлемі 6,5 млн м3 жер жұмыстары жүргізіліп, 18 көпір, Жетіген станциясында бір автожол өткелі, түрлі диаметрлі және конфигурациядағы 49 су өткізу құбыры салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.