Астана - Теміртау бағытындағы төрт жолақты жолды қараша айында ашу жоспарланып отыр
"Астана мен Теміртауды жалғастыратын төрт жолақты жолды биыл іске қосуды жоспарлап отырмыз. Осакаровкадан басталатын 21 шақырымды кестеден оза төсеп жатырмыз, жолдыӊ бетон жабыны аяқталды", - деді Шаймин.
Қарағанды. 14 шілде. Kazakhstan Today - Астана - Теміртау бағытындағы төрт жолақты жолды 2016 жылдыӊ қараша айында ашу жоспарланып отыр. Бұл туралы бүгін Өӊірлік комуникациялар қызметінде өткен брифингте "ҚазАвтоЖол" Ұлттық компаниясыныӊ Қарағанды филиалыныӊ директоры Қанат Шаймин мәлім етті, деп хабарлайды агенттік тілшісі.
"Астана мен Теміртауды жалғастыратын төрт жолақты жолды биыл іске қосуды жоспарлап отырмыз. Осакаровкадан басталатын 21 шақырымды кестеден оза төсеп жатырмыз, жолдыӊ бетон жабыны аяқталды", - деді Шаймин.
Оныӊ нақтылауынша, жол қараша айында пайдалануға беріледі. Алайда жолдыӊ қыс маусымындағы күтіміне қатысты сұрақтар туындап отыр.
"Филиал басшысы ретінде Теміртауға дейінгі жолдыӊ жай-күйі мені қатты алаӊдатады. Қазір жолдыӊ күтімімен "Қазақавтодор" мекемесініӊ қарағандылық филиалы айналысады. Бұл фирма нормативтіӊ небәрі 60% шамасында ғана техникамен жабдықталған. Сол себепті алаӊдаушылық бар. Бірақ біз бұл сұрақтарды үкіметке қойып отырмыз", - деді Шаймин.
Сонымен бірге филиал директоры Жезқазған мен Қызылорда арасындағы жол бөлігін жөндеу көзделіп отырғанын да хабарлады.
"Жол өткен ғасырдыӊ 60-шы жылдарында салынған. Содан бері бір рет те күрделі жөндеуден өткен жоқ. Асфальтты-бетонды жабыны да болған емес. Күз бен көктемдегі нөсер кездерінде онда қиындықтар көптеп туындайды. Облыс басшылығы бізді қолдап, бас кеӊсемізге өтінішпен шықты. Жолды жөндеуге қаржы бөлінді. Қазір жолдыӊ осы бөлігініӊ өтімділігін қалыпты сақтау мақсатындағы белгілі бір жұмыстар жүргізіліп жатыр, деді Шаймин.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.