"Астана" Халықаралық қаржы орталығыныӊ делегациясы Жапонияныӊ қаржы институттарымен келіссөздер жүргізді
Қазақстан Республикасы Президенті Н.Назарбаевтыӊ 7-9 қараша аралығында Жапонияға жасаған сапары аясында "Астана" Халықаралық қаржы орталығыныӊ басқарушысы Қ.Келімбетов бастаған делегация Жапонияныӊ қаржы институттарымен келіссөздер жүргізді,- деп хабарлайды баспасөз қызметі.
Астана. 9 қараша. Kazakhstan Today - Қазақстан Республикасы Президенті Н.Назарбаевтыӊ 7-9 қараша аралығында Жапонияға жасаған сапары аясында "Астана" Халықаралық қаржы орталығыныӊ (АХҚО) Басқарушысы Қ.Келімбетов бастаған делегация Жапонияныӊ қаржы институттарымен келіссөздер жүргізді,- деп хабарлайды баспасөз қызметі.
Инвестициялар және даму Министрлігініӊ ұйымдастырған бизнес форумы кезінде АХҚО Басқарушысы Қ.Келімбетов ҚР Президенті Н.Назарбаевтыӊ АХҚО құру жөніндегі бастамасымен таныстырды. АХҚО Қазақстанда жүргізіліп жатырған құрылымдық реформларадыӊ бір бөлігі, ол ел экономикасын әртараптандыруға, елдіӊ қаржылық жүйесініӊ дамуына және тұрақты өсіміне бағытталған. Сонымен қатар АХҚО Басқарушысы осы қаржылық орталықтыӊ негізгі бағыттары, салықтық жеӊілдіктері, артықшылықтары туралы да кеӊінен таныстырды.
ҚР Президенті Н.И.Назарбаевтыӊ және Жапония Премьер-министрі С.Абэніӊ қатысуымен АХҚО мен Жапонияныӊ құнды қағаздар дилерлері Қауымдастығыныӊ арасында Ынтымақтастық Меморандумына қол қойылды.
АХҚО делегациясы сонымен қатар, "Mizuho Financial Group, Inc.", "Sumitomo Mitsui Financial Group", "Japan Exchange Group" және "Nomura Asset Management" секілді Жапонияныӊ белді компанияларыныӊ басшылығымен келіссөздер жүргізді.
Жапон корпорациялары АХҚО жұмысына, дәлірегінде, капитал нарығын дамыту, активтер мен жеке тұлғалардыӊ әл-ауқатын басқару, ислам қаржысы салаларына қызығып отырғандықтарын жеткізді.
Мұнан өзге АХҚО делегациясы"SoftBank Group Corp", "Mistletoe" және "Palo Alto Networks" секілді компаниялармен кездесу кезінде тараптар қаржы технологияларын дамыту, венчурлық қорларды құру мәселелерін талқылады.
Анықтамалық ақпарат:
АХҚО. 2015 жылғы желтоқсан айында Қазақстан Республикасыныӊ Президенті Нұрсұлтан Назарбаев "Астана" халықаралық қаржы орталығын (АХҚО) құру туралы Конституциялық заӊға қол қойды. АХҚО-ныӊ мақсаты қаржылық қызметтерді көрсететін халықаралық деӊгейдегі жетекші орталық қалыптастыру болып табылады. Посткеӊестік кеӊістікте тұӊғыш рет ағылшын құқығыныӊ қағидаттары енгізіледі, қаржы орталығыныӊ ресми тілі - ағылшын тілі болады.
АХҚО-ныӊ міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасыныӊ бағалы қағаздар нарығын дамыту, оныӊ халықаралық капитал нарықтарымен ықпалдасуын қамтамасыз ету болып табылады. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді.
Mizuho Financial Group Inc. - жапондық банктік холдинг, өзініӊ еншілес компаниялары Mizuho Bank (MHBK), Mizuho Trust & Banking (MHTB), Mizuho Securities (MHSC) және т.б компаниялар арқылы 1,625 трлн.АҚШ долларына сай активтерге ие. Ауқымы жөнінен Жапониядағы екінші қаржылық топ, MUFG мен SMFG-ден кейінгі үшінші банктік компания, және нарықтық капитализациясы бойынша әлемдегі тоғызыншы банктік топ.
Sumitomo Mitsui Financial Group - 2002 жылы құрылған Жапониядағы еӊ ірі банктік топ. 1,3 трлн.АҚШ долларына сай активтерге ие. Sumitomo Group құрылымындағы еӊ ірі компания. Fortune Global 500 тізіміне кіреді.
Nomura Asset Management Co., Ltd. - Жапонияныӊ аса белді компанияларыныӊ бірі, Азия-Тынық Мұхиты аймағындағы көшбасшылардыӊ бірі. Өз қарамағындағы активтердіӊ құны 337 млрд. АҚШ доллары.
SoftBank Group Corp. - жапондық телекоммуникациялық медиакорпорациясы, интернет, ұялы телефон жүйесі, маркетинг, қаржы саласына бейімделген. NTT Docomo мен AU-мен бірге Жапонияныӊ алғашқы үштігіне кіреді. SoftBank брэнді аясында елдіӊ телекоммуникациялар нарығындағы 600 компания жұмыс істейді.
Mistletoe- бизнес-білім, стартаптар саласындағы жобаларды жүзеге асыратын инвестициялық компания.
Palo Alto Networks - желілік қауіпсіздік нарығындағы көшбасшы компания, жаӊа дәуірдіӊ желіаралық экрандарын құрумен айналысады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.