Астанада ауыл шаруашылығыныӊ органикалық даму болашағы талқыланды
Бұл жылы сессия "Қазақстандағы органикалық ауыл шаруашылығыныӊ даму болашағы" тақырыбына арналды.
Астана. 16 маусым. Kazakhstan Today - Х Астана экономикалық форумы аясында азық-түлік қауіпсіздігі мәселелеріне арналған ҚР Ауыл шаруашылығы министрлігі мен азық-түлік және ауыл шаруашылығы ұйымыныӊ панельдік сессиясы өтті.
Бұл жылы сессия "Қазақстандағы органикалық ауыл шаруашылығыныӊ даму болашағы" тақырыбына арналды.
Панельдік сессия жұмысына Еуразиялық экономикалық одаққа мүше ауыл шаруашылығы министрлері, республиканыӊ жергілікті атқарушы органы өкілдері, отандық және халықаралық ұйым мен бизнес өкілдері қатысты.
Қоршаған ортаны сақтау мен келешек ұрпақ үшін қор тұрғысынан жаӊа заманда органикалық өнімді өндірудіӊ жылдан жылға маӊызы артып келе жатқанын атап айта кеткен жөн. Және бұл мәселені талқылау республика үшін өте маӊызды болып табылады.
Жерді химияландырудыӊ тарихи төменгі көрсеткіші мен еліміздіӊ табиғи-климаттық жағдайын ескере отырып, органикалық өнімді өндіруге ауысу ауыл шаруашылығыныӊ салалық елеулі потенциалын есепке алғанда бұл сегментте Қазақстан әлемдік нарықта заӊ бойынша көшбасшылық орын ала алады.
Елбасы өзініӊ "Қазақсатанныӊ үшінші жаӊғыруы: жаһандық бәсекеге қабілеттілік" атты Қазақстан халқына Жолдауында еліміздіӊ агроөнеркәсіп кешені алдында бірқатар тапсырмалар қойды. Оныӊ ішінде аграрлық экспорттық өнім өндіру, әсіресе, экологиялық таза азық-түлік өндіру бойынша әлемдегі еӊ ірі өндіруші ел болу керектігін баса айтты.
Қазақстан 2015 жылы "Органикалық өнім өндіру туралы" заӊ қабылдады. Оны енгізу үшін отандық және шетелдік эксперттер, оныӊ ішінде азық-түлік және ауыл шаруашылығы ұйымыныӊ мамандары тартылды.
АӨК-ні дамытудыӊ 2017-2021 жылдарға арналған жаӊа мемлекеттік бағдарламасында органикалық ауыл шаруашылығын жүзеге асыруға ерекше көӊіл бөлінді.
Ауыл шаруашылығы министрлігінде салалық ассоциациялар мен одақтар және ауыл шаруашылығы өндірушілері, ғалымдар, халықаралық кеӊесшілер кіретін арнайы жұмыс тобы құрылды. Қазіргі күні органикалық өнім өндіруді дамытудыӊ кешенді жоспары зерттелуде.
Жоспар өндірістегі мемлекеттік ынталандыру шарасын, инфрақұрылым мен ұлттық сертификация жүйесін және органикалық өнім өндіруді растауды, ғылыми, кадрлық, ақпараттық сүйемелдеуді енгізетін болады.
Бүгінніӊ өзінде органикалық өнім 300 мыӊ гектардан артық алқапта өндіріледі. Негізінен дәнді-дақыл, зәйтүн, бұршақ, жемшөптік дақыл және дәрілік шөптер өндіріледі.
Бүгінгі күні Қытай және Парсы шығанағы елдері нарықта органикалық өнім өндіру бойынша алдыӊғы қатарда.
Вице-Премьер: "Органикалық ауыл шаруашылығын дамыту үшін дұрыс басымдық пен бағдар таӊдалғанын байқауға болады және қажетті шаралар да қолданылады. Себебі, органика азық-түлік қауіпсіздігін қамтамасыз етуде ғана емес, сонымен бірге қоршаған ортаны қорғауда, табиғи биологиялық әртүрлілікті арттыруда маӊызды рөл атқарады",- деп атап өтті.
Еӊ соӊында панельдік сессиясыныӊ қатысушыларынан түскен ұсыныстар мен сұрақтар бойынша талқылау өткізілді.
Панельдік сессиясыныӊ қорытындысы азық-түлік қауіпсіздігін қамтамасыз ету мен органикалық ауыл шаруашылығын дамытудыӊ өндірістік ұсынысы болып табылады.
ҚР АШМ Баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.