Астанада Қазақстан-Қытай іскерлік кеӊесініӊ төртінші отырысы өтті
Астана. 8 маусым. Kazakhstan Today - Астанада Қазақстан-Қытай іскерлік кеӊесініӊ (ҚҚІК) төртінші отырысы өтті. Іс-шара ұйымдастырушылары "Самұрық-Қазына" АҚ (бұдан әрі - Қор), ҚХР Халықаралық саудаға жәрдемдесу комитеті және "CITIC Group" корпорациясы. ҚҚІК жұмысына екі елдіӊ 500-ге жуық мемлекеттік органдарыныӊ өкілдері, ірі компаниялары мен қаржы институттары қатысты. ҚҚІК қорытындысы бойынша жалпы 7 млрд АҚШ долларына жуық сомаға 22 коммерциялық және негіздемелік келісімдерге қол қойылды.
ҚҚІК қатысушылары үш панельдік сессия аясында бірлескен жобаларды іске асыру мүмкіндіктерін талқылады: "Қазақстан-Қытай инвестициялық ынтымақтастығы", "Ауыл шаруашылығындағы өӊдеу және экспорт: жаӊа мүмкіндіктер ашу", "Шағын және орта бизнес ынтымақтастығы". Қазақстан мен Қытайдыӊ іскерлік топтарыныӊ өкілдері арасында сондай-ақ B2B форматында екі жақты кездесулер өтті.
"Екі мемлекеттіӊ басшылары Қазақстан-Қытай іскерлік кеӊесініӊ алдына үлкен міндеттер қойды. Осы уақыттыӊ ішінде іскерлік кеӊес өзініӊ тиімділігін көрсетіп, диалог және бизнес-алаӊ ретінде қалыптасты. Қазіргі таӊда қазақстандық-қытайлық қоржында жалпы 28 млрд АҚШ долларына жуық сомаға 51 жоба бар. Оныӊ ішінде жүзеге асырылып жатқан 14 жоба "Самұрық-Қазына" АҚ компаниялар тобыныӊ үлесіне тиесілі. Біздіӊ бизнес-серіктестік мұнай-газ, химия, энергетикалық, тау-кен металлургиялық, ауыл шаруашылығы, машина жасау секторларына бағытталған", - деп деп атап өтті "Самұрық-Қазына" АҚ басқарма төрағасы Өмірзақ Шөкеев.
ҚҚІК отырысыныӊ қорытындысы бойынша жалпы 7 млрд АҚШ долларына жуық сомасына энергетика, химия өнеркәсібі, металлургия салаларында барлығы22 коммерциялық және негіздемелік келісімдерге, оныӊ ішінде "Самұрық-Қазына" АҚ тобыныӊ қатысуымен жалпы 4,5 млрд АҚШ доллар сомасына 6 келісімге қол қойылды.
Атап айтқанда, "Бірлескен химиялық компания" ЖШС ("Самұрық-Қазына" АҚ қоржындық компаниясы) мен Қытайдыӊ Мемлекеттік Даму Банкі (ҚМДБ) арасында Атырау облысында "Ұлттық индустриялық мұнай-химия технопаркі" АЭА аумағында метанол мен аммиак өндіру, сондай-ақ Жамбыл облысында "Тараз Химиялық паркі" АЭА аумағында күйдіргіш сода өндірісін іске қосу бойынша инвестициялық жобаларды іске асыру туралы келісімдерге қол жеткізілді. Аталған жоба Қазақстанда алғашқы агрохимиялық кластерді дамыту аясында жүзеге асырылуда.
Бұдан өзге, "Самұрық-Энерго" АҚ мен "HYDROCHINA CORPORATION" қытайлық корпорациясы Алматы облысыныӊ Шелек дәлізінде қуаттылығы 60 МВт болатын, 300 МВт дейін кеӊейту перспективасымен ЖЭС салу және шағын ГЭС салу бойынша жобаларды іске асыру туралы меморандумдарға қол қойды. Сондай-ақ, "Самұрық-Энерго" АҚ China Datang Corporation корпорациясымен Ерейментау қаласыныӊ ауданындағы жел паркін 45-тен 300 МВт дейін кеӊейту бойынша меморандум жасасты.
Сонымен бірге, "Самұрық-Қазына" Қоры мен China Development Bank Corporation, "KAZAKH INVEST" ҰК мен "HUBEI KELISON" ЖШС арасында ынтымақтастық туралы негіздемелік келісімдер жасалды.
Қытайдыӊ бизнес қауымдастығы "Самұрық-Қазына" АҚ компаниялар тобыныӊ стратегиялық инвесторы болып табылады. ҚХР Эксимбанкі хош иісті көмірсутектер өндіру кешені, Атырау МӨЗ-дегі мұнайды тереӊ өӊдеу кешені құрылысын несиелейді, Қытайдыӊ Мемлекеттік Даму Банкі газ-химия кешенініӊ (І кезеӊ, полипропилен өндірісі) құрылысын қаржыландырады. Сондай-ақ, Қор тобы ҚМДБ қатысуымен бірлесіп 2 млрд АҚШ долларынан астам қаржыландыру көлемімен химия саласында бірқатар ірі жобаларды іске асырады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.