Атырау қаласында "Қашаған-Қазақстанныӊ болашағы үшін" ғылыми-практикалық конференция өтті
Солтүстік Каспий жобасына 25 жыл
Ақтау. 4 қыркүйек. Kazakhstan Today - Маӊғыстау облысыныӊ әкімі Ералы Тоғжанов бастаған делегация Атырау қаласында "Қашаған-Қазақстанныӊ болашағы үшін" ғылыми-практикалық конференцияға қатысты.
Конференцияға ҚР Энергетика вице-министрі М. Мырзағалиев, Атырау облысыныӊ әкімі Н. Ноғаев, НКОК басқарушы директоры Бруно Жардэн қатысып, Солтүстік Каспий жобасы туралы тақырыптарды талқылады.
Шара аясында "Солтүстік Каспий жобасы - Шолу және негізгі кезеӊдер туралы" және даму перспективалары туралы НКОК басқарушы дирекоры Бруно Жардэн баяндады. "Каспий теӊізініӊ қайраӊында алғашқы сәтті қадамдар - Қазақстандағы мұнай барлаудыӊ жаӊа кезеӊі" туралы - Қазақстан мұнайшы геологтары" қоғамыныӊ президенті Балтабек Қуандықов сөз кезегін алды.
Конференция барысында тараптар қоршаған ортамен биоалуантүрлікті қорғау жөнінде жобаларды талқылап, шешу жолдарына тоқталды.
Бұл президентіміздіӊ жобасы, еліміздіӊ, тәуелсіз Қазақстанныӊ дамуына қуатты серпін беретін ірі жоба. Мен жақында Ақтау қаласында өткен Каспий маӊы мемлекеттері басшыларыныӊ қатысуымен өткен ірі саммитке белсене қатысқаны үшін консорциум басшылығына алғыс білдіргім келеді. Қашаған жобасын іске асыру екі - Атырау және Маӊғыстау облыстарыныӊ аумағында жүргізілуде - деді Ералы Тоғжанов.
Қашаған жобасы - Қазақстан дамуына, оныӊ ішінде Маӊғыстау өӊірініӊ дамуына айрықша үлес қосқан ауқымды жоба. Нақтырақ айтсақ, Маӊғыстау облысы NCOC компаниясымен 20 жылдан бері іскерлік қарым-қатынаста. Осы уақыт ішінде Компания өӊір дамуына 600 млн. АҚШ долларынан астам қаржы салды. Тек соӊғы 3 жыл ішінде өӊір дамуына жыл сайын 25 млн. АҚШ доллары көлемінде инвестиция салынды. Іскерлік қатынастағы кезеӊде компания 100-ден астам әлеуметтік және инфрақұрылымдық жобаларды іске асырды. Олар - дарынды балаларға арналған мектеп-интернаты, жас мамандарға арналған жатақхана, мектептер мен балабақшалар, спорт алаӊдары мен спорт кешендері, автомобиль жолдары, тұрғын үйлер және тағы басқалар. Сондай-ақ, Атырау облысыныӊ әкімі Нұрлан Ноғаев мұнайшыларды бас мерекемен құттықтады. " Мен бүгінгі ұжымныӊ алдарына қойған міндеттерді толық орындайтынына сенемін. Аз жұмыс атқарылған жоқ, алайда алда әлі де атқарылатын жұмыстар көп. "Нөлдік цикл", қоршаған ортаға ұқыппен қарау, қауіпсіздік техникасыныӊ мәселелері - бұл жобаныӊ басында тұрған өзекті міндеттер және күні бүгінге дейін өмірлік маӊызды мәселелер болып табылады. Оларды шешу үшін әлемдік мұнай саласыныӊ барлық тәжірибесі мен әлеуетін пайдалану қажет, - деп атап көрсетті Нұрлан Ноғаев.
Сонымен бірге, конференцияда сөз сөйлеген ҚР Энергетика вице-министрі Мағзом Марзығалиев Каспий қайраӊындағы одан әрі ынтымақтастықтыӊ перспективаларын атап өтті. Жаӊа кен орындарын ашу инвестициялар салуды, жаӊа технологиялар тартуды және жаӊа жұмыс орындарын ашуды талап етеді. Бүгінгі күні консорциум шамамен 16 млн тонна мұнай мен конденсат, 5 млрд текше метрден астам газ өндірді, 700 мыӊ тоннадан астам күкірт экспорттады. Бұл Қазақстанныӊ теӊіз жобаларын дамытудыӊ бастамасы ғана.
Конференцияныӊ соӊында консорциумныӊ бірқатар басшылары, жауапты қызметкерлері, жоба ардагерлері "Қазақстанныӊ мұнайгаз саласыныӊ еӊбегі сіӊген қызметкері" төсбелгісімен, "Қазақстанныӊ мұнайгаз саласын дамытқаны үшін" медалімен, грамоталармен және алғыс хаттармен марапатталды.
Маӊғыстау облысы әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.