Атырау мұнай өңдеу зауытын қайта жаңғырту жұмысы 2014 жылдың ортасына таман аяқталады
"Бүгінгі күні Бірыңғай экономикалық кеңістік шеңберінде еш шекара жоқ. Ондай кезде екі мемлекеттің жанар-жағармай бағасы бір-бірінен мүлдем басқаша болуы мүмкін емес. Сондықтан да, біздегі жанармай бағасы тым төмендеп кетсе, онда өнім көрші нарыққа қарай ауып кетеді. Сол үшін біз БЭК шеңберінде жанармай бағасының мөлшері салыстырмалы болуы керек деп есептейміз", - дейді министр.
Астана. 5-наурыз. Kazakhstan Today - Атырау мұнай өңдеу зауытын қайта жаңғырту жұмысы 2014 жылдың ортасына таман аяқталады, деп хабарлайды Kazakhstan Today агенттігінің тілшісі.
Бүгін Мәжілісте "Ішкі нарықты мұнаймен және мұнай өнімдерімен қамтамасыз ету" және "Қарашығанақ жобасының үлесін мемлекеттің сатып алуы" тақырыптарындағы Үкімет сағаты барысында Мұнай және газ министрі Сауат Мыңбаев осылай мәлім етті.
"Бүгінгі күні Бірыңғай экономикалық кеңістік шеңберінде еш шекара жоқ. Ондай кезде екі мемлекеттің жанар-жағармай бағасы бір-бірінен мүлдем басқаша болуы мүмкін емес. Сондықтан да, біздегі жанармай бағасы тым төмендеп кетсе, онда өнім көрші нарыққа қарай ауып кетеді. Сол үшін біз БЭК шеңберінде жанармай бағасының мөлшері салыстырмалы болуы керек деп есептейміз", - дейді министр.
Бұдан бөлек, акцизге қатысты Қазақстан ішкі нарықтағы мұнай бағасын Ресейге қарағанда 10-15 пайызға төменге ұстау мүмкіндігі бар екенін, алайда бұл мүлдем төмен болмайтынын атап өтті. Министрдің айтуынша, жалпы мұнай саласында бағаның экономика жағынан теңгерімді болуы шарт. "Келешек турасында айтатын болсақ, ішкі нарықта бағаны тұрақты ұстау үшін еліміздегі үш зауыт та қайта жаңғыртудан өтетін болады. Бүгінгі күні Атырау зауытында бұл жұмыс басталып кетті. Ол 2014 жылдың ортасына таман бітуі тиіс. Ал Шымкент зауытының мемлекеттік сараптамасы алынды, жұмыс басталса 2015 жылы қайта жаңғырады. Павлодар зауытының техникалық экономикалық негіздемесі де бітті, ондағы жаңғырту жұмысы 2016 жылға қарай аяқталмақ", - деді С. Мыңбаев. Оның айтуынша, жоспар бойынша аталған үш зауыттың өндіру қуатын арттыру және еуро-4, еуро-5 стандарттарына сай өнімдер шығару көзделеді, деп хабарлайды ҚазАқпарат агенттігі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.