Ауыл шаруашылығы министрлігі республика аясындағы сүт өңдеу көлемін 2011 жылға қарай 60 пайызға дейін жеткізуді ойластырып отыр
Ауыл шаруашылығы министрлігі республика аясындағы сүт өңдеу көлемін 2011 жылға қарай 60 пайызға дейін жеткізуді ойластырып отыр
Астана. 22 мамыр. "Қазақстан Бүгін" - Қазақстан Республикасының Ауыл шаруашылығы министрлігі республика аясындағы сүт өңдеу көлемін 2011 жылға қарай 60 пайызға дейін жеткізуді ойластырып отыр. Бұл туралы Ауыл шаруашылығы министрлігінің алқа отырысында министр Ақылбек Күрішбаев мәлімдеді, деп хабарлайды "Қазақстан Бүгін" агенттігінің тілшісі.
"Біз егер сүт тауарлары фермаларын құру жобасы сәтті жүзеге асырылатын болса, 2009 жылы ел ішінде сүттің 40 пайызын, ал 2011 жылы 60 пайызын өңдеуді жоспарлап отырмыз", - деді А. Күрішбаев қазіргі уақытта Қазақстана сүттің тек 29 пайызы ғана өңделетінін әңгімелей отырып.
Ол Қазақстанда ет-сүт өнімдерін өңдеудегі басты проблема малдың 90 пайызы жеке қолда тұрғандығымен байланысты екенін еске салды. "Сондықтан, біз өндірістік мал шаруашылығына, сүт тауарларының фермаларын, ірі және орта ет өңдеу кәсіпорындарын, мал бордақылайтын алаңдар ұйымдастыруға тезірек көшуіміз керек", - деп есептейді министр.
Ол өткен жылы Қазақстанда заманауи 2 сүт тауарларының фермалары ұйымдастырылғанын және биыл сондай тағы 6 ферма салу жоспарланып отырғанын еске салды. "Республиканы сапалы сүтпен қамтамасы еету үшін біз 30 мың бас малы бар осындай 20 ферма салу керек. Егер біз осы санға дейін жете алсақ, қайта өңдеу кәсіпорындарының қажеттіліктері үшін 1,5 млн тонна сүтті жыл сайын қосымша өндіретін боламыз . Сөйтіп, біз сыртқы нарыққа тәуелділіктен құтыламыз", - деп атап көрсетті А. Күрішбаев.
Бұдан өзге, ауыл шаруашылығы министрі қазіргі уақытта елде жыл сайын еттің тек 25 пайызы ғана өңделетінін еске салды. "Егер де біз мал семіртетін алаңдарды дамытатын болсақ, етті экспорттауға мүмкіндік аламыз. Оның ішінде жыл сайын Бразилия мен Аргентинадан 2 млн тонна ет импорттайтын Ресей де бар", - деді ол.
"Мұндай нарық жанымызда тұрғанда біз бұл әлеуетті пайдаланып қалуымыз керек. Міне, сол үшін мал семіртетін алаңдар құрылуда", - деп толықтырды А. Күрішбаев. Ол сондай-ақ, Қазақстанда биыл осындай 2 алаң құрылатынын хабарлады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.