Ауыл шаруашылығы өнімін өндірушілерді жанар-жағармаймен қамтамасыз ету наурыз айының аяғында 60 пайызды құрады - ҚР Ауыл шаруашылық министрлігі
Ауыл шаруашылығы өнімін өндірушілерді жанар-жағармаймен қамтамасыз ету наурыз айының аяғында 60 пайызды құрады - ҚР Ауыл шаруашылық министрлігі
Астана. 27 наурыз. "Қазақстан Бүгін" - Көктемгі тұқым себу жұмыстарын жүргізу үшін ауыл шаруашылығы өнімін өндірушілерді жанар-жағармаймен қамтамасыз ету наурыз айының аяғында 60 пайызды құрады. Бұл туралы бүгін өткен Ауыл шаруашылығы министрлігінің алқа мәжілісінде агроөнеркәсіптік кешеннің техникалық саясат басқармасының бастығы Қайрат Коскин мәлім етті, деп хабарлайды "Қазақстан Бүгін" агенттігінің тілшісі.
"2008 жылдың 25 наурызындағы жағдай боынша жанар-жағармаймен қамтамасыз ету төмендегідей: дизельдік жанармай - 206 мың тонна (62,4%), дизель майы - 13,3 мың тонна (67,4%), бензин 30,6 мың тонна (58,4%)", - деді Қ. Коскин.
Ол республикадағы ауыл шаруашылығы өнімін өндірушілердің 2008 жылғы тұқым себу жұмыстарын жүргізу кезіндегі жанар-жағармайға деген қажеттілігі 330 мың тонна дизельдік жанармай, 19,8 мың тонна дизель майы, 52,4 мың тонна бензинді құрайтынын еске салды.
"Ауыл шаруашылығы өнімін өндірушілерді дер кезінде дизель отынымен қамтамасыз ету үшін Энергетика және минералдық ресурстар министрлігі Ауыл шаруашылығы министрлігімен бірлесе отырып облыстар мұнай өңдеу зауыттарына шартты түрде бөлінді", - деп еске салды Қ. Коскин.
Оның айтуынша, негізгі мұнай өнімдерінің ресурсын ұстаушылар ауыл шаруашылығы өнімін өндірушілерді көктемгі тұқым себу науқаны кезінде 1 наурыздан 31 мамырға дейін белгілі бір бағамен кепілдендірілген дизельдік отын көлемімен қамтамасыз ету бойынша өздеріне міндеттеме алды. Бұл жерде "Павлодар мұнай химия зауыты" АҚ беретін жанармай құны тоннасына 625 АҚШ долларын құраса, "Атырау мұнай өңдеу зауыты" ЖШС тоннасына 600 АҚШ долларымен, ал "Петроқазақстан Ойл Продактс" ЖШС тоннасына 595 АҚШ долларымен сатады.
Қ. Коскин 2008 жылдың 25 наурызындағы жағдай бойынша республиканың мұнай өңдеу зауыттары дизельдік отынның 52 мың тоннасын жібергенін атап көрсетті. Атап айтқанда, наурыз айында ауыл шаруашылығы тауарларын өндірушілер 100 мың тонна дизельдік отын бойынша келісімге қол қойып, ақысын төлеулері қажет еді. Алайда, 25 наурыздағы мәлімет бойынша тек 72 мың тоннаның құны төленген.
"Исіресе, келісім жасау мен құнын төлеуден Қызылорда облысы артта қалып келеді. Осы облыстың операторлары наурыз айында жоспарланған 4 мың тоннаның орнына 1020 тоннаның ғана ақысын төлеген", - деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.