Ауылшаруашылығы министрі нанның бағасын тұрақтандыру үшін коммерциялық сатып алу және тұрақтандыру қорын құру тетіктерін пайдалану қажет деп санайды
Ауылшаруашылығы министрі нанның бағасын тұрақтандыру үшін коммерциялық сатып алу және тұрақтандыру қорын құру тетіктерін пайдалану қажет деп санайды.
"ҚАЗАҚСТАН БҮГІН". 10 қыркүйек. АСТАНА. Ауылшаруашылығы министрлігі нанның бағасын тұрақтандыру үшін коммерциялық сатып алу және аймақтарда тұрақтандыру қорларын құру тетіктерін пайдалануды ұсынады.
"Меніңше, бағаны тұрақтандыру үшін коммерциялық сатып алу және аймақтарда тұрақтандыру қорларын құру тетіктерін пайдалану қажет", -деді мекеме басшысы Ахметжан Есімов бүгін үкіметте өткен селекторлық жиында.
Атап айтсақ, министрдің айтуынша, бағаны реттеу үшін "мемлекеттік қорға 500 мың тонна көлемінде астық сатып алу қажет". А. Есімовтың айтуынша, бюджеттен бұл мақсатқа қаржы бөлініп, Азық-түлік келісім-шарты корпорациясы тиісті келісім-шарттарына қол қойды. "Икімдерден Азық-түлік келісім-шарты корпорациясының тауар өндірушілермен жасасқан шарттарының орындалуын қамтамасыз етуді сұраймын", -деді министр.
Сонымен бірге министр өңірлерде бидайдың тұрақтандыру қорларын құру жұмыстарының толық көлемде орындалмағанын атап өтті. Оның мәліметінше, тұрақтандыру қорлары Шығыс Қазақстан, Павлодар, Ақтөбе және Солтүстік Қазақстан облыстарында құрылған. "Қалған облыстарда қорлар жаңадан құрыла бастады немесе бұл жұмыс мүлдем басталған жоқ", - деді А. Есімов.
Ал Азық-түлік келісім-шарты корпорациясы жүзеге асыратын коммерциялық сатып алулар , министрдің айтуынша, "нарықтық баға - 200 - 215 долларға (бір тоннасына) сапасына қарай жүзеге асырылады".
"Мен жергілікті жерлерде ауылшаруашылығы тауар өндірушілердің бидайды сататын бағасын қадағалауды сұрар едім", - деді министр. "Баға жоғары тұрған кезде шаруашылық басшысына осынждай ахуалды пайдаланып қалтаны қалыңдатып алуғадеген қызығушылық үлкен, ал тракторист немесе комбайнер байғұстар шаруашылық басшысының қандай бағаға сатқанынан бейхабар. Мемлекет бағаның Азық-түлік келісім-шарты корпорациясы нұсқаған бағадан төмен болуын талап етуге құқылы", - деді министр.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.