Ауылшаруашылық кооперативтер үшін кепілдіктер бойынша маӊызды жеӊілдік енгізілді
"Ауыл шаруашылығын қаржылай қолдау қоры" кепілдік ретінде жылжыйтын және жылжымайтын мүліктіӊ барлық түрлерін алады, оныӊ ішінде ауылды жерлердегі үйлер мен жер телімдері де алынады.
Астана. 17 шілде. Kazakhstan Today - ҚР Ауыл шаруашылығы министрлігі мен "Ауыл шаруашылығын қаржылай қолдау қоры" АҚ бірігіп, жаӊадан құрылып жатқан ауылшаруашылық кооперативтері үшін кепілдік жүктемені азайтатын механизм қарастырды. Сүт қабылдау бекеттері мен мал сою бекеттері үшін модульдік құрал-жабдықтар немесе сүт тасымалдайтын көлік, рефрижератор сатып алатын жағдайда кооперативтер кепілдікке несиелік қаржыға сатып алынатын мүлікті қоя алады.
Ауылшаруашылық бизнесті дамыту үшін жеӊілдетілген несие алуда еӊ басты мәселе - кепілдікке қойылатын мүлік екені ешкімге де құпия емес. "Ауыл шаруашылығын қаржылай қолдау қоры" кепілдік ретінде жылжыйтын және жылжымайтын мүліктіӊ барлық түрлерін алады, оныӊ ішінде ауылды жерлердегі үйлер мен жер телімдері де алынады.
"Ынтымақ" несиелік өнім аясындағы ет, сүт, жеміс-көкөніс және басқа да өнім бойынша сервистік-дайындау және қайта өӊдеу ұйымдарын құру жөніндегі кооперативтерге несие беру қарастырылған. 50 миллион теӊгеге дейін несиелер 7 жылға дейін мерзімге жылдық 6 % үстемемен беріледі.
- Егер кооператив сүт қабылдау бекеті немесе мал сою бекетіне арналған модульдік құрал-жабдықтарды, сүт тасымалдау көлік немесе рефрижератор сатып алатын болса, кепілдікке сол несиелік қаражатқа сатып алынатын құрылғылар/техника қоя алады, - дейді "Ауыл шаруашылығын қаржылай қолдау қоры" АҚ Басқарма төрағасыныӊ орынбасары Думан Оспанов.
Енгізілген кепілдік механизмі келесі. Кооператив қаржыландыру бойынша өтінімді, құжаттар топтамасын және модульдік бекет/техника сатып алу-сату туралы келісімді Қорға тапсырады.
Қор қаржыландыру туралы шешім қабылдап, несиелік желіні ашу туралы шектік келісім жасайды.
Кооператив қаржыландыру туралы шешімді, шектік келісімді және Инвестициялық шығындарды субсидиялау Ережелеріне сәйкес құжаттар топтамасын Ауыл шаруашылық басқармасына тапсырады.
Басқарма жанындағы Комиссия өтінімді мақұлдау туралы шешім шығарып, кооперативпен Инвестициялық субсидиялау келісім-шарты мен мақсатты пайдалану туралы келісім жасайды. Ауыл шаруашылығы басқармасы модульлдік бекет/техника бағасыныӊ 50 % құрайтын сомадағы субсидияны Қордыӊ арнайы шотына аударады.
Субсидия түскеннен кейін Қор кооперативпен Бірінші траншті төлеу туралы келісім-шартты жасап, модульдік бекет/техника бағасыныӊ 50 % жеткізушіге аударады. Жеткізуші модульді құрастыруға кіріседі.
Модульдік бекет/техника жеткізілгеннен кейін кооператив пен жеткізуші тапсыру-қабылдау актіне қол қойып, барлық қажетті құжаттарды толтырады.
Кооператив құжаттардыӊ толық топтамасын Ауыл шаруашылығы басқармасына субсидияны қарызды мерзімнен бұрын өтеуге жіберу туралы шешім алу үшін жүгінеді.
Қор кооперативпен Жеткізушіге екінші траншты аудару туралы келісім-шарт, Модуль/техниканы кепілдікке қою келісім-шарт жасап, жеткізушіге орнатылған құрылғы/техника бағасыныӊ қалған 50 % аударады. Сонымен қатар, арнайы шоттағы субсидия кооперативке берілген несиені жарым-жартылай, мерзімнен бұрын өтеуге бағытталады.
- Міне, осылай мемлекет кооперативтіӊ инвестициялық шығындарын субсидиялау жолымен модульдік бекет/техника бағасыныӊ жартысын өзі жабады, - дейді Думан Оспанов. - Жалпы, осы жылы республикалық бюджет пен Қордыӊ өз қаржысынан ауыл тұрғындары мен ауыл шаруашылық тауар өндірушілеріне несиелеуге 39 миллиард теӊге бағытталады деп жоспарланған.
Анықтама үшін: "Ауыл шаруашылығын қаржылай қолдау қоры" акционерлік қоғамы - "ҚазАгро" Ұлттық басқарушы холдингі" АҚ құрамына кіретін мамандандырылған қаржы-несиелік ұйымы болып табылады.
2007 жылдан бастап "ҚазАгро" Ұлттық Басқарушы Холдингі" АҚ құрамына кіреді. Қордыӊ миссиясы - ауылдық кәсіпкерлікті дамыту, ауылды жерлерде тиімді шағын несиелеу жүйесін дамыту арқылы халықтыӊ хал-ауқатын арттыру.
"Ауыл шаруашылығын қаржылай қолдау қоры" АҚ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.