Аукциондарға негізінен моноқалалардыӊ маӊындағы аз зерттелген жер қойнаулары қойылады - И.Исекешев
Астана. 20 сәуір. Kazakhstan Today - Өӊірлерде жұмыс орындарын құрып және оларды сақтау үшін аукциондарға моноқалалардыӊ маӊындағы аз зерттелген жер қойнаулары қойылады, деп мәлімдеді ҚР инвестициялар және даму министрі Исет Исекешев 7-ші МАЙНЕКС Орталық Азия тау-кен өнеркәсібі форумыныӊ ашылуында сөйлеген сөзінде, деп хабарлайды Kazakhstan Today.
Министр қазір Қазақстан ескі практикадан жер қойнауын пайдаланудыӊ аукцион түріндегі прогрессивті практикасына көшкенін еске салды, деп хабарлайды primeminister.kz тілшісі.
"Аукционға жер қойнауыныӊ аз зерттелген, қосымша іздеу жұмыстарын қажет ететін бөліктері қойылады, ол жерлер ресурстық базамен қамтылған арнайы моноқалалардыӊ маӊынан осы өӊірлерде жұмыс орындарын құрып, сақтау үшін таӊдалады", -деді ведомство басшысы.
Ол 2015 жылдыӊ желтоқсанында өткен аукционда қол қойылған бонус ретінде 36 лот бойынша бюджетке 1,5 млрд теӊгеден астам қаржы тартылғанын айтты.
"Аукцион байқаудыӊ барынша ашық формасы болып табылады, онда шешім көпшіліктіӊ алдында жарияланады. Жалпы аукцион бойынша оныӊ қолжетімділігіне, ашықтығына және қарапайымдылығына байланысты инвесторлардыӊ жағымды пікірлері қалыптасқан", - деп баса айтты И.Исекешев.
Оныӊ айтуынша, Қазақстанда пилоттық режімде Степногор қаласыныӊ маӊында 100 шақырым аумақ белгіленді және осы жылдыӊ бірінші тоқсанында 25 блок бойынша 10 жаӊа келісім-шарт бекітілді.
Ол сондай-ақ жер қойнауын пайдалану саласындағы рұқсат рәсімдерін жеӊілдету бойынша шаралар жайлы айтты.
"Соӊғы үш жылда жер қойнауын пайдаланушылар саласында көп дүние жасалды. Реформаныӊ бірінші кезеӊі аяқталды деп айтуға болады. Мысалы, геологиялық ақпаратты жеткізу мерзімі 240 күннен 1 күнге дейін қысқарды. Жер қойнауы туралы заӊнаманыӊ австралиялық моделі негізінде барлау құқығы бөліміне өзгерістер енгізілді. Барлау келісім-шартын бекіту мерзімі 2-жылдан 25 күнге дейін қысқартылды", - деді ведомство басшысы.
И.Исекешевтіӊ пікірінше, мұндай шаралар тәжірибе көрсеткендей 50%-ға дейін жаӊа кен орындарын ашу үшін орта және шағын кәсіпорындарды көптеп тартуға мүмкіндік береді.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.