Қазақстан 10 елмен экономикалық ынтымақтастықты күшейтуге ниетті
Премьер-министрдің бірінші орынбасары Нұрлыбек Нәлібаев Түркия, Қытай Халық Республикасы, Әзербайжан, Корея Республикасы, Жапония, Тәжікстан, Франция, Германия, Ұлыбритания және Түрікменстан сияқты елдермен сауда-экономикалық және инвестициялық ынтымақтастық мәселелері бойынша кеңес өткізді, деп хабарлайды Үкіметтің баспасөз қызметінен.
Нәлібаев аталған мемлекеттермен өзара тиімді байланыстарды дамыту Қазақстан пезидентінің ерекше бақылауында екенін атап өтті.
"Кеңесте мемлекеттік органдар мен ұлттық компаниялардың басшылары аталған елдермен экономикалық ынтымақтастықтың қазіргі жай-күйі және бірлескен жобалардың іске асырылу барысы туралы баяндама жасады.Тараптап шетелдік серіктестермен экономикалық ынтымақтастықтың күн тәртібіндегі негізгі мәселелер талқыланып, сыртқы экономикалық байланыстарды одан әрі дамытудың перспективалы бағыттары айқындалды"- деп жазылған хабарламада.
Нұрлыбек Нәлібаев шетелдік серіктестермен сауда-экономикалық және инвестициялық ынтымақтастықты нығайту елдің өнеркәсіптік әрі технологиялық дамуының маңызды факторы екенін атап өтті.
Кеңес қорытындысы бойынша мемлекеттік органдар мен ұйымдарға қол жеткізілген уағдаластықтарды іске асыру жөніндегі жұмысты күшейту, жаңа бастамаларды айқындау бағытындағы жұмысты жалғастыру тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Шыңжаң ШЫҰ елдері үшін маңызды көлік торабына айналуы мүмкін
Сурет: ШЫҰ
Шанхай ынтымақтастық ұйымының бас хатшысы Нұрлан Ермекбаев ҚХР Шыңжаң-Ұйғыр автономиялық ауданының басшылығымен Қытайдың ШЫҰ мүше елдермен көлік және сауда байланыстарын кеңейту мәселелерін талқылады.
Кездесу барысында ШЫҰ бас хатшысы ШҰАА-ның Қытай мен ұйымға мүше елдер арасындағы ынтымақтастықты дамытудағы рөлін атап өтті. Ол көлік пен сауданы, заманауи және "жасыл" технологияларды, сондай-ақ гуманитарлық және өңіраралық байланыстарды басым бағыттардың қатарына жатқызды.
Сондай-ақ, Ермекбаев достық және халықаралық алмасулар мәселелері жөніндегі конференцияға қатысты. Оның айтуынша, Шыңжаңның шекаралық орналасуы мен дамыған көлік-логистикалық инфрақұрылымы Қытай мен ШЫҰ мүше мемлекеттер арасындағы сауданың өсуіне жағдай жасайды.
Атап айтқанда, Қорғас, Алашанькоу, сондай-ақ Үрімші мен Қашғардың халықаралық құрлық порттары көлік және сауда ағындарын дамытуда маңызды рөл атқарып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық экспорттаушылар Қытайдың астық нарығына тікелей шыға алады
Сурет: Depositphotos
Қазақстандық ауыл шаруашылығы тауарын өндірушілер мен экспорттаушылар астық саудасына арналған жаңа электрондық платформа арқылы қытайлық сатып алушыларға тікелей қол жеткізді, деп хабарлайды ҚР Ауыл шаруашылығы министрлігінің баспасөз қызметінен.
Ведомствоның мәліметінше, астық саудасына арналған Қазақстан-Қытай электрондық платформасы Азық-түлік корпорациясы мен ҚХР Азық-түлік және стратегиялық резервтер жөніндегі мемлекеттік басқармасының (NAFRA) қатысуымен іске қосылған. Платформа ЧЧанша қаласында өткен Сегізінші Қытай астық саудасы көрме-конференциясында таныстырылды. Онда қазірдің өзінде Қазақстанның 35 компаниясы тіркелген.
Бірінші кезеңде астық компанияларына платформада тіркелуге көмектесіп, пилоттық жеткізілімдерді сүйемелденген. Қазақстаннан Қытайға тағы 24 мың тонна майлы зығыр экспорттау жөнінде келісімдер жасалған.
Платформа қазақ және орыс тілдерінде жұмыс істейді. Онда ауыл шаруашылығы өнімдерін сатып алу және сату туралы ұсыныстар орналастырылады, ал мәмілелерді аукциондар, шақыру бойынша сауда-саттық, уағдаластық немесе белгіленген баға арқылы жасауға болады. Қазақстандық компаниялар үшін тіркелу тегін.
Қытай тарапының мәліметінше, платформаның қызметтерін елдің түрлі провинцияларындағы 50 мыңнан астам аграрлық кәсіпорын пайдаланып отыр. Бұл қазақстандық өндірушілерге Қытай нарығына шығу үшін қосымша мүмкіндіктер береді.
Естеріңізге сала кетсек, бұған дейін Қазақстан мен Қытай арасындағы жүк тасымалы 9 пайызға өскені хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Энергетика вице-министрі Ерлан Ақбаров бұрғылау көлемін ұлғайту жаңа кен орындарын ашу және елдің ресурстық базасын толықтыру үшін қажет екенін атап өтті
Қазақстанда жаңа кен орындарын іздеу және елдің ресурстық базасын толықтыру мақсатында барлау-бағалау бұрғылау көлемін ұлғайту жоспарланып отыр. Барлау бұрғылауының перспективалары мен саланы дамыту мәселелері Атырауда өткен KAZDRILLING конференциясында талқыланды, деп хабарлайды ҚР Энергетика министрлігінен.
Мекеменің болжамды бағалауына сәйкес, барлау-бағалау бұрғылауының көлемі 2026 жылы шамамен 80 ұңғыманы, ал 2027–2028 жылдары жыл сайын 120 ұңғыманы құрауы мүмкін.
Мұнай-газ әлеуеті жоғары, аз зерттелген шөгінді бассейндерге ерекше назар аударылды. Мұндай учаскелерді беру тәртібі жеңілдетілді: өтінім келіп түскеннен кейін Министрлік 10 жұмыс күні ішінде аукцион өткізеді.
Инвесторлар алғашқы үш жылда учаске аумағының кемінде 30 пайызында сейсмикалық барлау жұмыстарын жүргізу және кейіннен барлау ұңғымаларын бұрғылауға тиіс.
Энергетика министрлігі сондай-ақ отандық бұрғылау қызметтері нарығын дамытып, қазақстандық өнімнің үлесін арттыруды көздеп отыр. Атап айтқанда, Атыраудағы "Жігермұнайсервис" зауыты қазірдің өзінде бұрғылау қашауларын, калибраторлар мен басқа да жабдықтарды шығарады.
"Біздің міндетіміз – бұрғылау қызметтерінің тұрақты әрі бәсекеге қабілетті нарығын қалыптастыру. Нәтижесінде жаңа геологиялық ашылымдар жасалып, қорлар толықтырылып, отандық өндіріс дамып, білікті жұмыс орындары құрылып, салық түсімдері артуы тиіс", - деді Энергетика вице-министрі Ерлан Ақбаров.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ОПЕК+ елдері қазан айына мұнай өндіру көлемін сақтап қалды
Сурет: Depositphotos
Қазақстанды қоса алғанда, ОПЕК+ құрамындағы жеті ел 2026 жылдың қазан айында мұнай өндіру көлемін қыркүйек айында белгіленген деңгейде сақтау туралы келісімге келді, деп хабарлайды ұйымның баспасөз қызметінен.
Жеті елдің өкілдері 6 қыркүйекте кездесу өткізіп, әлемдік мұнай нарығындағы ахуал мен оның даму перспективаларын талқылады.
Қатысушылар сондай-ақ Ынтымақтастық туралы декларацияны толық орындауға бейілділігін растады.
ОПЕК+ елдерінің келесі кездесуі 2026 жылдың 4 қазанында өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Қытай арасындағы ауыл шаруашылығы өнімдерінің тауар айналымы 2 млрд долларға жуықтады
Сурет: Depositphotos
2025 жылдың қорытындысы бойынша Қазақстан мен Қытай арасындағы ауыл шаруашылығы өнімдерінің тауар айналымы 36,8 пайызға өсіп, 1,97 млрд долларға жетті, деп хабарлайды ҚР Ауыл шарушалығы министрлігінің баспасөз қызметінен.
"Қытай - Қазақстанның агроөнеркәсіптік кешен саласындағы негізгі стратегиялық серіктестерінің бірі. Географиялық жақындық, экономикаларымыздың өзара үндестігі және азық-түлікке деген сұраныстың артуы тиімді ықпплдастықты одан әрі кеңейтуге берік негіз қалыптастырады. Біз өнімдерімізге сұранысты күшейтуге және оларды Қытай нарығына шығарудың жаңа жолдарын қалыптастыруға мүмкіндік беретін жүйелі әріптестікті дамытуға мүдделіміз", - деді ауыл шаруашылығы вице-министрі Назгүл Хатепова ҚХР Азық-түлік және материалдық резервтер жөніндегі мемлекеттік басқармасының (NAFRA) басшысы Лю Хуаньсинмен кездесу барысында.
Тараптар сауда көлемін одан әрі арттыру және өзара жеткізілімдерді әртараптандыру үшін айтарлықтай әлеует бар екенін атап өтті.
"Кездесу соңында тараптар ұсыныстарды одан әрі пысықтауға және екі елдің тиісті мемлекеттік органдары мен кәсіпкерлері арасындағы байланысты күшейтуге уағдаласты", - деп мәлімдеді министрлікте.
Сондай-ақ, Қазақстан мен Қытай астық және ауыл шаруашылығы өнімдерінің саудасына арналған бірлескен цифрлық платформаны іске қосты. Жаңа құрал экспорттаушылар мен қытайлық сатып алушылар арасында тікелей байланыс арнасын қалыптастырады.
"Бүгінде сауда алаңында Қазақстанның 35 компаниясы тіркелген. Қазірдің өзінде 24 мың тонна майлы зығырды экспорттауға қатысты мәмілелер жасалды", - деп қосты Назгүл Хатепова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.