Қазақстанда электр энергиясын сату тетіктері жетілдірілді
Электр энергиясына сұраныс 1 458,6 млн.кВт*сағ. құрады, электр энергиясының сатып алынған/сатылған көлемі 301,2 млн. кВт*сағ. құрады, қорытындысы бойынша 13 мәміле жасалды.
Алматы. 13 сәуір. Kazakhstan Today - Қазақстанда электр энергиясын сату тетіктері жетілдірілді.
Жыл сайын, тасқын судың ұлғаюына байланысты электр энергиясын сатып алушылардан электр энергиясының қосымша көлемін төмендетілген бағамен сатып алу мүмкіндігі пайда болады. Алайда, бұрын осы электр энергиясын сату тетігінің кейбір кемшіліктеріне байланысты көптеген сатып алушылар сауда-саттыққа қатыса алмады. Бірқатар шарттар олардың қатысуын шектейтін еді, енді бұл кедергілер жойылды, деп хабарлайды ҚР ЭМ Баспасөз қызметі.
10 сәуірде Қазақстан Республикасы Энергетика министрлігінің қолдауымен табиғатты қорғау мақсатында су жіберу кезінде ГЭС өндіретін электр энергиясының сауда-саттығы өзгертілген Қағидалар бойынша өткізілді, соның арқасында "арзан" электр энергиясын сатып алуға жаңа сатып алушылар да қатыса алды. Бұл дегеніміз, "ойын шарттары" барлық сатып алушылар үшін барынша объективті болды, бұл дағдарыс жағдайында электр энергиясының өзіндік құнын төмендетуге мүмкіндік берді. Мамандардың айтуынша, бұл шара нарықтың ықтимал үлестестігін жоюға мүмкіндік беріп, электр энергиясы нарығындағы бәсекелестікті дамытуға жаңа серпін болады.
Ү. ж. 10 сәуірде табиғат қорғау мақсатында су жіберу кезеңінде ГЭС өндіретін электр энергиясының орталықтандырылған сауда-саттығына электр энергиясының көтерме сауда нарығының 71 субъектісі, оның ішінде 68 сатып алушы және 3 сатушы қатысты. Электр энергиясына сұраныс 1 458,6 млн.кВт*сағ. құрады, электр энергиясының сатып алынған/сатылған көлемі 301,2 млн. кВт*сағ. құрады, қорытындысы бойынша 13 мәміле жасалды.
Сауда-саттық өткізу барысында сауда жүйесінің жұмысы бойынша қатысушылардан техникалық ескертулер түскен жоқ. Электр энергиясының сауда-саттығына бақылаушы ретінде Энергетика министрлігінің өкілдері де қатысты.
Электр энергетикасын дамыту департаментінің директоры Айдос Дәрібаевтың айтуынша, бұл заңнамалық бастамалар электр энергиясының көтерме сауда нарығында нарықтық қарым-қатынасты дамыту үшін жағдай жасау мақсатында орталықтандырылған сауданы ұйымдастыру тетіктерін жетілдіруге бағытталған.
Қағидаларға енгізілген елеулі өзгерістер сатып алушыларға бірінші кезеңде өзінің баға ұсыныстарымен 30 минут ішінде "шығуын", ал сатушыларға сауда сессиясының келесі 30 минутында өтінім беруін және сұраныс қанағаттандырылған жағдайда - жұптарды автоматты түрде қалыптастыруды қамтамасыз етті.
Ең маңыздысы - сауда жүйесіндегі барлық іс-әрекеттер иесіздендірілген, іс жүзінде қатысушылар арасындағы сөз байласу факторы алып тасталды.
Қағидаларға және бағдарламалық қамтылымға енгізілген осы өзгерістер тұтынушылардың қол жеткізуіне кедергі келтірмейтін және олардың қатысуын шектемейтін жағдай жасауға мүмкіндік берді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.