09.08.2022, 16:06 11961

Қазақстанда күнбағыс майы бір жылда 12%-ға қымбаттады

Қазақстанда күнбағыс майының өндірісі артты.
Қазақстанда күнбағыс майы бір жылда 12%-ға қымбаттады
НҰР-СҰЛТАН. 9 ТАМЫЗ - Қазақстанда күнбағыс майының өндірісі артты. Алайда өнім бір жыл ішінде 12%-ға қымбаттады.
 
Energyprom сарапшылары жариялаған есепте көрсетілгендей, өңірлік бөліністе күнбағыс майы өндірісінің барлық көлемінің жартысына жуығын Шығыс Қазақстан облысы қамтамасыз етті - 78,1 мың тонна тазартылмаған және 33,6 мың тонна тазартылған май.
 
Бұдан басқа тазартылмаған күнбағыс майы өндірісінің елеулі көлемі Абай (43,8 мың тонна) және Қостанай (9,1 мың тонна) облыстарына, тазартылған - Шымкент (24,2 мың тонна) және Алматы (10,4 мың тонна) облыстарына тиесілі болды.
 

Осы жылдың қаңтар–мамыр айларында қазақстандық күнбағыс майын өндірушілер сұранысты 83,5%-ға, импортқа тиісінше 16,5%-ға қамтыды. Өткен жылдың қаңтар-мамырымен салыстырғанда өндіріс көлемі 29,6%-ға, ал импорт 26,6%-ға артты", - делінген зерттеуде.

 
Сарапшылардың айтуынша, 2022 жылдың шілде айының қорытындысы бойынша күнбағыс майы бір айда 1,4%-ға қымбаттады, ал жыл басынан бері бағаның өсуі 8,1%-ды құрады.
 
2021 жылғы шілдемен салыстырғанда бағалар 11,6%-ға өсті, бұл алдыңғы жылдың көрсеткішінен айтарлықтай төмен, ол кезде бірден 65,8%-ға қымбаттауы байқалды.
 
Ақпарат көзі: egemen.kz
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны