"Бәйтерек" холдингі қарыз алушыларға үш айлық төлем мерзімін ұзартуды ұсынды
Сондай-ақ, Холдингтің басқа еншілес ұйымы - "Қазақстан инвестициялық қоры" АҚ ШОБ үшін жалға алу ақысын есептеуді тоқтатады.
Алматы. 24 наурыз. Kazakhstan Today - "Бәйтерек" ҰБХ" АҚ Қазақстандағы төтенше жағдайдың әрекет ету кезеңінде кәсіпкерлерге қолдау көрсетуді күшейтті.
Сонымен, Мемлекет басшысының ҚР-дағы төтенше жағдай жөніндегі мемлекеттік комиссияның 2020 жылғы 23 наурыздағы отырысында берген тапсырмасына сәйкес Холдингтің еншілес ұйымы - "Даму " кәсіпкерлікті дамыту қоры" АҚ мемлекеттік қолдаудың барлық шараларын толық көлемде көрсетуді жалғастырады.
Екінші деңгейдегі банктер, лизингтік компаниялар және микроқаржы ұйымдары қарыз алушыларға негізгі қарыз бен сыйақы сомаларының төлемдері бойынша таяу үш айға кейінге қалдыруды ұсынады. Мұндай қолдау "Еңбек", "Даму Өндіріс" өңдеу өнеркәсібі саласындағы ШОБ қолдау бағдарламасы сияқты жеңілдетілген несие беру мемлекеттік бағдарламалары, "Даму" Қоры мен әкімдіктердің бірлесіп іске асыратын өңірлік бағдарламалары шеңберінде алған қарыз алушыларға көрсетілетін болады.
Бұдан басқа, "Даму" Қоры кредиттерді қайта құрылымдаумен байланысты өзгерістерді қарастыру, келісудің оңайлатылған процесіне көшті және субсидиялау мен кепілдік беру құралдары бойынша мемлекеттік бағдарламалар шеңберінде жобаларды қаржыландырудың қолданыстағы шарттарына өзгерістер енгізу бойынша біржолғы шешімдер қабылдауға дайын.
Айта кетейік, жеңілдік беру кезеңін банктер, лизингтік компаниялар, микроқаржы ұйымдары жеке тәртіпте қарастырады. Қор онлайн режимінде www.damu.kz, www.online.damu.kz сайттарында немесе бірыңғай call-center-дің 1408 нөмірі (қоңырау шалу тегін) арқылы кеңес беруге дайын. Сондай-ақ, кәсіпкерлер мемлекеттік қызметтерді алуға, мемлекеттік бағдарламалар бойынша шарттарды өзгертуге өз өтінімдерін онлайн-режимде egov.kz және online.damu.kz порталдары арқылы жібере алады.
Сондай-ақ, Холдингтің басқа еншілес ұйымы - "Қазақстан инвестициялық қоры" АҚ ШОБ үшін жалға алу ақысын есептеуді тоқтатады. Атап айтқанда, 2020 жылдың 20 наурызынан бастап Қазақстандағы төтенше жағдай мен карантиннің әрекет ету кезеңінде ҚИҚ шағын және орта бизнес субъектілері үшін жылжымайтын мүлік объектілері бойынша жалға алу төлемдерін айыппұл мен өсімпұлдарды есептемей 3 айға кейінге қалдыру жолымен есептеуді тоқтады.
Анықтама ретінде:
"Бәйтерек" ұлттық басқарушы холдингі" АҚ Қазақстан Республикасы Президентінің 2013 жылғы 22 мамырдағы Жарлығына сәйкес құрылды. Озық корпоративтік басқару стандарттарына сәйкес келетін және әртараптандыру, жаңашылдықты қолдау, экспортты дамыту, еңбек өнімділігін ұлғайту жолымен Қазақстан экономикасын тұрақты дамыту міндеттерін іске асыруды қамтамасыз ететін ҚР Үкіметінің басты институты. Холдингтің құрамына "Қазақстанның даму банкі" АҚ, "Қазақстанның инвестициялық қоры" АҚ, "Қазақстанның тұрғын үй құрылыс жинақ банкі" АҚ, "Қазақстан ипотекалық компаниясы" ИҰ" АҚ, "KazakhExport" ЭСК" АҚ, "Даму" КДҚ" АҚ, "QazTech Ventures" АҚ, "Тұрғын үй құрылысына кепілдік беру қоры" АҚ, "Қазына Капитал Менеджмент" АҚ, "Бәйтерек девелопмент" АҚ, "Kazakhstan Project Preparation Fund" ЖШС кіреді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.