Б. Жәмішев Беларусь Республикасының Сәулет және құрылыс министрімен кездесті
Қазақстан Республикасы Өңірлік даму министрі Болат Жәмішев Беларусь Республикасының Сәулет және құрылыс министрі Анатолий Черный бастаған делегациямен кездесті. Делегацияның құрамында Беларусьтің жетекші жобалау-инженерлік ұйымдары мен құрылыс кешені кәсіпорындарының өкілдері бар, деп Өңірлік даму министрлігінің баспасөз қызметі хабарлады.
Алматы. 23 қаңтар. Kazakhstan today. Қазақстан Республикасы Өңірлік даму министрі Болат Жәмішев Беларусь Республикасының Сәулет және құрылыс министрі Анатолий Черный бастаған делегациямен кездесті. Делегацияның құрамында Беларусьтің жетекші жобалау-инженерлік ұйымдары мен құрылыс кешені кәсіпорындарының өкілдері бар, деп Өңірлік даму министрлігінің баспасөз қызметі хабарлады.
"Иңгімелесу барысында тараптар Қазақстан Республикасының өңірлік даму салалық бағдарламалары шеңберінде инфрақұрылымдық жобаларды іске асыруға беларусь құрылыс кешендерін тарту перспективаларын қозғады", - делінген хабарламада.
2013 жылғы тамызда өткен Қазақстан-Беларусь сауда-экономикалық ынтымақтастығы жөніндегі үкіметаралық комиссиясының Х отырысы шеңберінде қол жеткізілген уағдаластықты іске асыру барысына аса назар аударылды. Осы отырыс барысында жобалау және құрылыс саласындағы екі тараптық ынтымақтастықты дамыту туралы хаттамаға қол қою кезінде тараптар тұрғын үй құрылысы саласындағы ынтымақтастықты жандандыруға, осы саладағы бірлескен энергия үнемдеу жобаларын іске асыруды, индустриалды үй салудың беларустық тәжірибені қолдануды, бірлескен жобалау кәсіпорындарын ұйымдастыруды қоса алғанда өзара қызығушылық танытты.
Болат Жәмішев кездесу барысында ведомстволарымыздың арасындағы қарым-қатынас конструктивті диалог пен нақты уағдаластық арқасында сәулет, қала құрылысы және құрылыс саласында жаңа деңгейге қол жеткізгенін атап өтті.
Келіссөздердің қорытындысы бойынша Қазақстан Республикасы Өңірлік даму министрлігі мен Беларусь Республикасының Сәулет және құрылыс министрлігінің арасында құрылыстағы бағаның құрылуы саласындағы ынтымақтастық туралы келісім (қол қою) қарастырылды.
Болат Жәмішев аталған келісім екі республикадағы бағаның құрылуы жүйесіндегі реформаның тиімділігін арттыруға мүмкіндік беретініне және құрылыстың сметалық құнын анықтау бойынша бірыңғай әдіснамалық тәсілді әзірлеуге көмектесетініне сенім білдірді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.